Pas vdekjes në spital të Jani Rustemit, 27 vjeç, hetimi i nisur nga AMP për procedurat e ndjekura nga policia në rastin e tij, pritet të ketë zhvillime të reja. Edhe pse nga verifikimi paraprak, burimet thonë se nuk ishin evidentuar shkelje, humbja e jetës së të riut, pritet të shoqërohet me një verifikim të thelluar jo vetëm për pretendimet për dhunë, por edhe për kohën e dhënies së ndihmës mjekësore dhe nëse ajo ka qenë e duhura.
Ishin familjarët e tij që bënë kallëzim në Agjencinë e Mbikëqyrjes Policore ku nëna e tij, Pranvera Rustemaj, thotë për Report Tv se djali i saj është dhunuar ndërsa deklaron se Jani nuk kishte marrë asnjëherë metadon, ilaçi që përdoret si mjekim për përdoruesit e drogës.
“Djali im nuk vdiq nga metadoni, djalin tim e ka rrahur policia e shtetit. Ka pyetur shumë çuna që vijnë marrin metadon këtu, më thanë zonjë djalin tënd se kemi parë asnjëherë këtu që të vijë të marrë metadon. Të hapin kamerën se ka kamerë këtu. E pashë vetë kamerën tani këtu. Ta hapin kamerën të shohin ka ardhur djali im këtu apo jo”, thotë nëna për Report Tv.
Përkundrejt pretendimeve për dhunë nga policia të dhënë për mediat të Pranvera Rustemajt, burime pranë Agjencisë së Mbikëqyrjes Policore i thanë Report Tv se vetë gruaja ka firmosur të kundërtën, duke hequr dorë nga ky pretendim. Megjithatë, duket se do të jetë autopsia ajo që do të zbardhë të vërtetën.
Trupi i pajetë i 27-vjeçarit, që njihej si përdorues lëndësh narkotike, i është dorëzuar Mjekësisë Ligjore, e cila pritet të thotë fjalën e fundit për shkakun e vdekjes. Raporti i autopsisë, do të ndihmojë policinë dhe prokurorinë për të zbardhur shkakun e ngjarjes dhe shkeljet apo neglizhimet e mundshme në trajtimin e rastit të Jani Rustemajt.
Vdekja e 27-vjeçarit ndodhi pas arrestimit të tij më 13 prill ndërkohë që tri ditë më vonë ai u dërgua në spital. Në një raport të Komitetit Shqiptar të Helsinkit thuhet se brenda Bllokut të Sigurisë i është dhënë sasia prej 40 mg në ditë, çdo 24 orë, në tre ditë, gjatë kohës që ka qenë i akomoduar aty, konform praktikës së bashkëpunimit me qendrën Aksion Plus, u trajtohej para se të arrestohej për vjedhje.
Komiteti Shqiptar i Helsinkit nënvizon se Jani Rustemaj është diskriminuar për shkak se ishte rom, pasi 27-vjeçari nuk është ishte marrë nga “313-a” me pretendimin e mbipopullimit, por kjo nuk rezulton e vërtetë pasi 50 vende kanë qenë të lira. Ndërkohë, paraburgimi “302” e refuzuar me arsyetimin “nuk pranonte këtë kategori të arrestuarish”, duke nënvizuar diskriminimin racor, por edhe justifikimin e vetë të riut me pretendimin se ka një hasëm aty.
Komente
Lajme të tjera
-
Parkimet e gabuara rëndojnë trafikun në Tiranë! Specialisti: Problem makinat luksoze, ja zonat kritike! Eksperti: Rrisni gjobat për ‘të fortët’
18 Dhjetor, 15:36 -
Proteston mamaja e Martin Canit: E çova në shkollë Martinin, por si më erdhi?
18 Dhjetor, 14:27 -
FOTOLAJM/ Ja si bllokohet trafiku në zonën e Bllokut në Tiranë
18 Dhjetor, 13:47 -
Grupi i trafikut të armëve Shqipëri-Kosovë, zbulohen detajet e operacionit! Ja si i bëri Policia blerjet me agjentë të infiltruar dhe roli i taksistit
18 Dhjetor, 13:09
-
Tiranë/ Shkarkonin inerte në vende të paligjshme, arrestohen 2 persona, nën hetim 2 të tjerë! U vendoset 15 milionë lekë gjobë
18 Dhjetor, 13:06 -
Spiropali pret anëtarët e Këshillit Koordinues të Diasporës: Diskutuam mbi mundësinë e votimit në zgjedhje! Mësimi i gjuhës shqipe nga fëmijët
18 Dhjetor, 12:40 -
Hapet gara për ndërtimin e hekurudhës Vorë - Hani i Hotit, Gonzato: Ndihmon lëvizjen ekologjike dhe zhvillon turizmin! Shqipëria po ecën me reformat, BE e mbështet
18 Dhjetor, 10:49 -
Dorian Teliti sulmon kryebashkiakun e PD, Fisnik Qosja: Kavaja, një qytet i vdekur
18 Dhjetor, 10:02 -
Veto Surroi: Dhjetori i demokracisë dhe një shenjë normaliteti
18 Dhjetor, 09:52
-
U përfshi në aksident, mjeku nuk u mbijeton dot plagëve! Humb jetën te Trauma
18 Dhjetor, 09:35 -
Protestoi te ‘Infrastruktura’ se nuk i jepnin fondin e rindërtimit, 62-vjeçares i premtohet zgjidhje pas denoncimit në Report Tv! Natën e kaloi para Ministrisë
18 Dhjetor, 08:50 -
Fshihet emri Air Albania nga stadiumi në Tiranë, arena e Kombëtares është gati për emrin e ri
17 Dhjetor, 19:39
Nenoo! Djali jot s'kishte nevoje per metadon se merrte droge.Metadoni perdoret nga ata qe duan te terhiqen nga varesia e drogave te forta,ose nga ata qe duan droge,por nuk e kane perhere /pronto/ per 100 arsye dhe keshtu per te mos ndjere pasojat e terheqjes marrin metadon.Te vetmin keqtrajtim qe i eshte bere te ndjerit mendoj qe nuk e kane trajtuar si V.I.P. e politikes,drejtesise,biznesit e art-kultures qe kur arrestohen per krime te renda ordinere,i dergojne ne shtepi,ose ne spital,sapo i zene <<te prerat e barkut te zemres>>.
Përgjigju