Deputeti i LSI për qarkun e Lezhës, Kadeli ka reaguar pas vdekjes misterioze në Greqi të Pllumb Marnikollit duke deklaruar se rasti nuk do të kalojë në heshtje.
 
Deputeti thekson se së shpejti do të zbardhen shkaqet e vdekjes së të riut nga Lezha dhe se vetëm atëherë mund të flasim dhe të ngarkojmë me përgjegjësi ksenofobet grek pasi nuk është hera e parë qe humbin jetën në mënyrë të mistershme të rinj shqiptar dhe tentohet të mbulohet nga shteti grek.
 
Pëllumb Marnikollaj duket se është viktima e radhës e dhunës së policisë greke si Ilia Kareli 2 vite më parë.
 
Trupi i tij i pajetë ka mbërritur këtë të dielë në vendlindje për tu varrosur në fshatin Rrilë të Lezhës.
 
Familjarët dhe miqtë kanë shprehur dyshime se pas dhunës së ushtruar në rajonin e Policisë Kato Patisia të Athinës, ngjarja është tentuar të mbahej e fshehë për 10 ditë, ndërsa trupi i tij ka qëndrua në frigorifer.

Reagimi i plotë i deputetit të Lezhës
Nuk esht e hijeshme qe ky rrjet social komunikimi te keqperdoret edhe ne nje rast te tille siq esht rasti i humbjes se jetes se te ndjerit Pllumb Marnikolli.

Duke i shprehur ngushellimet e mija familjes se Nikoll Marnikollit , mund tu them se ky rast nuk do kaloje aq ne heshtje sa e paraqesin disa miq ne fb.... se shpejti do te zbardhen te gjitha shkaqet e verteta te qe kan sjelle humbjen e jetes .

Vetem ateher duhet te flasim e te ngarkojme me pergjegjesi ksenofobet Grek pasi nuk esht hera e parë qe humbin jeten ne menyre te mistershme te rinj Shqiptar dhe tentohet te mbulohet nga shteti grek.

Duke qen se jam ne dijeni te veprimeve konkrete ne territorin Shqiptar ju garantoj se do te ndjek te gjitha hapat ligjor per te zbardhur te verteten te cilen e kerkojne me ngulm familjaret e te ndjerit. Jemi prane jush dhe ngushellime te sinçerta familjes Marnikolli.


d.b/shqiptarja.com