POP 5

Lajmet më të lexuara të 5 minutave të fundit

Politikë

Vdekja e Perlat Ramçaj, Meta:
Trashëgimtar i vlerave më të mira

Kryetari i Kuvendit, Ilir Meta ka shprehur ngushëllimet për ndarjen nga jeta të Perlat Ramçes. Përmes një mesazhi drejtuar familjes Ramçe, Meta tha se Perlati ishte një mik i mrekullueshëm që fatkeqësisht nuk e fitoi dot betejën me sëmundjen e rëndë që e mori në mënyrë të papritur
Vdekja e Perlat Ramçaj, Meta:<br />Trashëgimtar i vlerave më të mira
Kryetari i Kuvendit, Ilir Meta ka shprehur ngushëllimet për ndarjen nga jeta të Perlat Ramçes. Përmes një mesazhi drejtuar familjes Ramçe, Meta tha se Perlati ishte një mik i mrekullueshëm që fatkeqësisht nuk e fitoi dot betejën me sëmundjen e rëndë që e mori në mënyrë të papritur.

Ai e vlerësoi Perlat Ramçen si një trashëgimtar i vlerave më të mira të një prej familjeve më të nderuara të Malësisë së Madhe.

“Me hidhërim të thellë mësova lajmin për ndarjen nga jeta dhe ikjen e beftë të njeriut të mirë Perlat Ramçe. Perlati ishte një mik i mrekullueshëm që fatkeqësisht nuk e fitoi dot betejën e fundme, betejën me armikun e lig, sëmundjen e rëndë që e mori në mënyrë të papritur. I angazhuar që herët në politikë, kryetar i bashkisë së Koplikut që në vitet e para të pluralizmit, bir dhe trashëgimtar i vlerave më të mira të një prej familjeve më të mëdha e më të nderuara të Malësisë së Madhe, Perlati u bë shpejt një pikë e rëndësishme referimi për politikën lokale në përgjithësi dhe për të majtën shqiptare në veçanti, për të gjithë zonën”, - shkruan Meta në mesazhin e ngushëllimit.

Meta ka shtuar se, Perlat Ramçe ishte një nga drejtuesit e aftë që mbajti dhe ushtroi disa detyra të rëndësishme në vitet e fundit në Malësi të Madhe dhe se ishte një kontribuues i çmuar për njerëzit.

“Perlati ishte gjithashtu një nga drejtuesit e aftë që mbajti dhe ushtroi disa detyra të rëndësishme në vitet e fundit në Malësi të Madhe. Mikpritës i rrallë dhe komunikues i aftë, natyrë e fortë njerëzore dhe një kontribuues i çmuar për njerëzit, Perlati la pas një nga ato boshllëqe që është vështirë të mbushen. Perlati la në pikëllim gruan, vajzën dhe djalin e tij, shokët dhe miqtë e tij të shumtë, por Ai la pas emrin e mirë dhe një kujtim të paharruar për gjithkënd që pati fatin ta njohë. Unë humba një mik, vlera e të cilit bëhet edhe më e madhe dhe pesha humbjes së tij, bëhet edhe më e rëndë, nga ikja e papritur. Ngushëllimet e mia më të sinqerta!”, - shkruhet ndër të tjera në mesazhin që Kryetari i Kuvendit i drejton familjes Ramçe.

Redaksia Online
(F.T/shqiptarja.com)
 

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Kosova mbyll dy ndërmarrje publike serbe në veri

Kosova mbyll dy ndërmarrje publike serbe në veri

26 Dhjetor, 21:13