Warmbier u kthye në Shtetet e Bashkuara javën e kaluar në gjendje kome. Mjekët në qytetin e tij thanë se 22-vjeçari kishte pësuar dëmtime të rënda në tru kur mbahej në Korenë e Veriut, por nuk është e qartë se çfarë e shkaktoi komën.
Peniani tha se Warmbier ra në komë shumë shpejt pasi u dënua në mars të vitit të kaluar nën akuzën se kishte vjedhur një poster politik nga një hotel në Kore .
Por familja Warmbier e ka vënë në dyshim këtë pohim, duke thënë se ishte regjimi i izoluar i Penianit që e vrau djalin e tyre.
Tashmë mediat përpiqen të gjejnë dicka më shumë rreth 22 vjecarit dhe asaj cka ndodhi në vendin e izoluar.
Të përditshmet tregojnë sesa i qeshur dhe i lumtur ishte Otto së bashku me miqtë e tij gjatë vizitës në Korenë e Veriut. Buzëqeshje që zgjati deri në momentin ku u arrestua për vjedhjen e posterit.
Në foto ai shfaqet duke shijuar pushimet,ku nuk mungojnë edhe shkrepje ku në sfond shfaqet diktatori i Koresë Kim Jong un. Por cdo gjë ndryshoi pak para se ai të kthehej në SHBA, në 2 janar 2016.
[gallery]22752[/gallery]
Disa pamje tregonin se ai ishte përpjekur të vidhte posterin politik, veprim për të cilin Koreja e dënoi.
Por miqte e tij rrëfejnë dicka tjetër, ata shprehen se nuk kujtojnë që i riu të ketë hequr ndonjë poster nga hoteli dhe se natën kur mendohet të ketë ndodhur incidenti ai ishte në gjumë.
“Ai ishte në shtrat, të nesërmen në mëngjes u larguam drejt aeroportit.Otto ishte shumë mirë. Histori e posterit u shfaq pak javë më vonë. Pamjet e Koresë së Veriut ishin flu aty tregohej vetëm një person që hiqte posterin” shprehet një nga pjesëtarët e grupit të Otto që nuk dëshiron të identifikohet.
Miqtë shprehen se regjimi i egër i Koresë i mori jetën një të riu të pafajshëm dhe se do ta kujtojnë Otto një mik shumë të mirë dhe gazmor.
Spekulime të shumta dolën në horizont pasi ai u kthye në shtëpi në gjendje kome.Disa thonë se Koreja e ka torturuar dhe në fund i ka dhënë pilula që e cuan drejt komas.
Presidenti Trump, paraardhësi i tij Obama shprehën ngyshëllimet e tyre për vdekjen e të riut duke e konsideruar vdekjen e Otto brutale. Ndërsa zv presidenti Mike Pence fajsëoi diktatorin Kim për vdekjen e studentit amerikan.