Vdekja e turistes britanike në Sarandë, jehonë në mediat e huaja: Rebecca ndërroi jetë në duart e partnerit! Flet motra dhe i dashuri

Lajmi i vdekjes së 29-vjeçares nga Britania e Madhe Rebecca Gannon, e cila u mbyt në det më 19 shtator teksa ishte duke marrë pjesë në një ekspeditë zhytjeje ka bërë jehonë në mediat britanike.

"Daily Mail", i ka kushtuar një artikull ngjarjes së rëndë ku shkruan se, pushuesja Rebecca Gannon, 29 vjeç ishte me të dashurin e saj kur u gjend në vështirësi gjatë udhëtimit nën ujë me një grup prej shtatë zhytës të tjerë.

Policia njoftoi një ditë më parë se 45-vjeçari kishte punësuar në mënyrë të paligjshme instruktoren e zhytjes në grupin e tij të punës, si dhe nuk ka siguruar kushtet e nevojshme teknike për zhytje.  Kushova u hodh në ujë për ta shpëtuar por përpjekjet e tij nuk i erdhën në ndihmë të resë. 

Gerta Brozi e cila ishte në varkë dhe është bashkëpronare e qendrës së zhytjes Spiranca tha për MailOnline:

“Ne vërtet nuk e dimë se çfarë ka ndodhur dhe presim që policia të përfundojë hetimin. Nuk e kuptuam çfarë ndodhi. Ajo qëndroi në ujë për 10 minuta dhe më pas hasi vështirësi. Më parë ka pasur një problem me rregulluesin e oksigjenit, por u ndërrua dhe po punonte shumë mirë. Gjëja e radhës që dimë është që Saimiri e pikasi që ajo kishte probleme dhe u zhyt për ta shpëtuar. Ai bëri gjithçka që mundej për ta çuar në sipërfaqe.I dashuri i viktimës ishte i pranishëm gjatë gjithë momentit të ngjarjes por nuk mundi të bënte asgjë për ta shpëtuar. Ishte një eksperiencë traumatike dhe i dashuri i saj ishte shumë i trishtuar nga kjo ngjarje.”, tha Gerta Brozi e cila ishte me grupin e zhytësve.

Si ndodhi ngjarja

Burime për Report Tv bëjnë me dije se kanë qenë 8 shtetas të huaj bashkë me 3 shtetas shqiptar, të cilët kanë qenë në ekuipazhin e anijes. Shtetasit e huaj kanë kryer edhe më parë zhytje, ndërsa 29-vjeçarja, herën e fundit që kishte kryer zhytje e kishte më janar të këtij viti. E reja ka arritur që të dalë në sipërfaqe të detit dhe ka bërë thirrje për ndihmë! Grupi me të cilin ishte i kanë bërë thirrje që të shtypë butonin e emergjencës, i cili hap jelekun e shpëtimit dhe lëshon bombulën e oksigjenit. Por 29-vjeçarja nuk ka arritur që ta shtypë dot. Madje i dashuri i vajzës ka sqaruar se doli në ajër, por varka ka qenë 30 metra

Madje dhe i dashuri i vajzës ka sqaruar se doli në ajër, por varka ka qenë 30 metra larg. Ai ka ecur në ujë gjatë zhytjes kur ka dalë dhe ka kërkuar ndihmë. Ekuipazhi i anijes ka qenë i specializuar dhe përpara se të bëjnë zhytje të gjithë kanë plotësuar një formular që dinë që të kryejnë zhytje. Jashtë e kanë nxjerrë 3 pronarët e anijes specialistë në zhytje. 8 shtetasit e huaj janë lënë të lirë, ndërsa 3 shqiptarët janë ende në komisariat.

Rendit zhvillimet sipas orarit:
Ora 22:43
‘Instruktorja nuk i kushtoi shumë vëmendje’, motra e britanikes 29 vjeçare të mbytur në Sarandë dhe i dashuri tregojnë detaje për ngjarjen

Rebecca Gannon 

Motra e gruas britanike që u mbyt në sy të dashurit të saj gjatë një zhytjeje në Shqipëri deklaroi sot: “Është shkatërruese. Jemi zemërthyer”, shkruan Daily Mail. Rebecca Gannon, 29 vjeç, me nofkën Beccie, nga Stone në Staffordshire të Anglisë vdiq tragjikisht gjatë pushimeve në Shqipëri pasditen e të hënës.

Motra e saj saj, Sam, tha i përlotur: 'Ajo është motra ime e vogël. Nuk mund ta besoj.'

Motra ishte me nënën e saj Gillian në biznesin e kuzhinës që ata drejtojnë në Stone, ndërsa foli shkurt, duke thënë: "Autoritetet po na japin të gjithë mbështetjen. Është shkatërruese'.

Rebecca vdiq ndërsa ishte në një udhëtim eksplorimi nënujor me të dashurin e saj Robert Kerans, që ishin bashkë prej katër vitesh. Pas ngjarjes së ndodhur pasditen e të hënës në brigjet e Sarandës, policia arrestoi pronarin e qendrës së zhytjes Spiranca, i cili quhet Saimir Kushova, 45 vjeç.

Zyrtarët thanë se ai po mbahet nën dyshimin për shkelje të rregullave të shëndetit dhe sigurisë në punë dhe punësimin e një instruktoreje zhytjeje jo të kualifikuar, me emrin Gerta Brozi. Ai do të dalë në gjykatë të enjten.

Në një deklaratë të marrë nga MailOnline, Roberti, i cili si e dashura e tij e ndjerë ka një certifikatë zhytjeje PADI, tha: "Unë dhe Rebecca mbërritëm në qendër dhe plotësuam një formular. Duhet të kemi qenë rreth 12 veta të gjithë bashkë dhe kanë qenë tre instruktorë – njëri prej të cilëve fliste shumë mirë anglisht dhe që unë e njoh tani është Gerta Brozi. Ajo kontrolloi pajisjet, por dukej se nuk i kushtoi shumë vëmendje. E di se ka pasur një problem me rregullatorin e Rebekës, por Gerta tha se ishte zgjidhur”.

Roberti, i cili është me origjinë nga Norvegjia, jetonte në Staffordshire me Rebecca-n dhe ata besohet se janë takuar gjatë një udhëtimi pune në Zelandën e Re.

Robert shtoi: “Ne hymë në ujë, por nuk e di nëse problemi u rregullua. Ne kishim hyrë mjaft thellë dhe një nga grupi kishte probleme me presionin dhe doli në sipërfaqe. Nuk mund ta shihja Rebekën kur isha në ujë pasi dukshmëria nuk ishte shumë e mirë. Duhet të kem qenë në ujë për rreth 25 minuta dhe kur dola në sipërfaqe pashë një varkë policie pranë nesh dhe atëherë kuptova se diçka e keqe kishte ndodhur."

Videoja e postuar në faqet e lajmeve shqiptare tregon një trup që po transportohet nga një varkë, ku po prisnin mjekët. Të martën Greta, e cila ishte në varkë dhe është bashkëpronare e Qendrës së Zhytjes Spiranca, tha për MailOnline: “Ne me të vërtetë nuk e dimë se çfarë ndodhi dhe presim që policia të përfundojë hetimin.

“Gruaja britanike që vdiq ishte këtu me të dashurin e saj dhe të dy kishin certifikata PADI për zhytje në ujë të hapur, kështu që të dy ishin plotësisht të kualifikuar për të zhytur me ne. Ajo kishte qenë në ujë për dhjetë minuta dhe më pas u fut në vështirësi, kishte pasur një problem me një rregullator më parë, por ai ishte ndryshuar dhe funksiononte mirë”, tha ajo.

Saimiri kishte parë se ajo ishte në telashe dhe u zhyt në përpjekje për ta shpëtuar.

“Saimiri bëri gjithçka që mundi për ta nxjerrë në sipërfaqe. Ishte një eksperiencë shumë traumatike dhe i dashuri ishte shumë i mërzitur nga kjo, ashtu si të gjithë të tjerët në varkë. Ne thjesht nuk e dimë se çfarë ndodhi. Ata në të cilën po zhyten nuk është veçanërisht e thellë, vetëm shtatë deri në tetë metra, kështu që nuk është një zhytje shumë e vështirë. Ne jemi në pritje të rezultateve të autopsisë dhe Saimiri është në polici”, tha Greta.

Kur u kontaktua të mërkurën nga MailOnline, ajo tha se ishte 'shumë e zënë dhe nuk mund të fliste' përpara se ta mbyllte telefonin.

Në faqen e saj të internetit qendra e zhytjes shkruan:

“Pasioni ynë për zhytjen tregohet nga angazhimi ynë për të siguruar që mysafirët tanë të kenë përvojën përfundimtare të zhytjes në një mjedis argëtues dhe relaksues. Qendra jonë e zhytjes ka staf dhe është e pajisur për të trajtuar deri në 20 zhytës në ditë. Ne kemi pajisjet dhe kompresorët më të fundit të zhytjes (vetëm ajri). Ne gjithashtu kemi varkat tona që na mundësojnë të aksesojmë vendet më të mira të zhytjes në breg. Dedikimi i shërbimeve tona grupeve më të vogla na mundëson të përqendrohemi më shumë në nevojat dhe kërkesat specifike të klientëve tanë, duke i kushtuar më shumë kohë secilit mysafir dhe duke garantuar një cilësi më të lartë shërbimi nga ekipi ynë me përvojë dhe miqësor”.

Çifti po zhytej në rrënojat e një anijeje mallrash italiane të fundosur gjatë Luftës së Dytë Botërore, Probitas e cila ndodhet brenda Gjirit të Sarandës.

Ora 20:35
Report Tv sjell foton, kjo është 29-vjeçarja britanike që humbi jetën në Sarandë gjatë një ekspedite nënujore

Report Tv sjell foton e 29-vjeçares nga Britania e Madhe Rebecca Gannon e cila u mbyt në Sarandë.

 

S.C/A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mendoni se vendosja e fashës 800 kWh do të sjellë kursim të energjisë?



×

Lajmi i fundit

Zgjedhjet vendore, Duka-Metës: Ftesa për një kandidaturë të përbashkët, vetëm për Berishën apo për të gjithë opozitën

Zgjedhjet vendore, Duka-Metës: Ftesa për një kandidaturë të përbashkët, vetëm për Berishën apo për të gjithë opozitën