Vdes drejtuesi i “Carrefour”
Varet me rripin e pantallonave

TIRANË – Drejtori i filialit të kompanisë franceze “Carrefour” në Tiranë, i ka dhënë sot fund jetës.

Burimet policore konfirmuan për “Shqiptarja.com” se 42 vjeçari Xavier Thibonet u gjet i vetëvarur në mesditë, me rripin e pantallonave të tij.

Ngjarja ka ndodhur në banesën e tij në rrugën “Pjetër Budi”, ndërsa ende janë të paqarta motivet e vetëflijimit të përfaqësuesit të “Carrefour” në vendin tonë.

Sipas të dhënave paraprake kanë qenë bashkëpunëtorët e francezit, të cilët ishin alarmuar për mungesën e komunikimit me të.

Kjo kompani vetëm një javë më parë hapi rrjetin e saj të dyqaneve saj në qendrën tregtare “TEG”.