“Elie Wiesel ka shërbyer si rreze drite dhe ishte një shembull, që besonte në mirësinë e njeriut,” u shpreh kryeministri izraelit Benjamin Netanyahu. Ndërsa presidenti i SHBA Barack Obama e cilësoi ndërgjegje e botës.
I lindur në vitin 1928, në qytetin rumun, Sighet, Elie Wiesel ka shkruar për përvojat e tij në kampet naziste të përqendrimit. Ai shkroi 60 libra, mes tyre ‘’Night’’, i konsideruar si ndër veprat më të rëndësishme ku tregohen tmerret e Holokaustit. Shkrimtari dhe gazetari Elie Wiesel shprehej se ishte gjithë inat kundra botës ,kundra historisë dhe vetes çka e çoi të shkruante dëshminë e tij …Në vitin 1986 ai mori çmimin “Nobel” për Paqen, për rolin e tij kundër dhunës, shtypjes dhe racizmit.Ishte pikërisht ai që përdori fjalën “Holokaust”, që u bë simboli i mizorive të kryera gjatë Luftës së Dytë Botërore kundër hebrejve.
“Këtë herë isha shumë i vetmuar. Më parë isha me të tjerët.. besoj në njerëzimin kundra njerzimit, Besoj në Zotin kundra Zotit” u shpreh para pak kohësh shkrimtari i cili iu nënshtrua një operacioni në zemër.
Redaksia Online
Al.N/Shqiptarja.com