Fidel Kastro vdiq por kubanezët në Majami të SHBA kanë nisur nga festimet. Ata kanë dalë në rrugët ‘Little Havana’, ‘Hialeah’ dhe ‘Kendall’ duke kënduar e hedhur fishekzjarre.

Komuniteti kubanez ka shpërthyer në emocione pasi për një dekadë kishin marrë vetëm alarme false mbi vdekjen e Kastros. Më në fund lajmi i vdekjes mbërriti dhe duket sikur për kubanezët që jetojnë në Amerikë ka mbërritur Viti i Ri.

“Libertad!”, ishin thirrjet entuziaste të kubanezeve.

“Do të doja që babai im të ishte këtu dhe të shihte me sytë e tij këtë”, thotë në lotë i riu 27 Abraham Quintero.

 “Çmenduri i bukur” thotë nje tjetër duke përshkruar skenën që po ndodhte në rrugët e Majemit.

Sapo mësuan lajmin, shumë njerëz kishin dale me pizhame dhe fëmijët me arusha në duar. Mezi e kishin pritur lajmin e madh.

“Fidel tiran, merr me vete dhe vëllanë”, ishin thirrjet e e gëzuara të kubanezë.

Festimeve të komunitetit kubanez i janë bashkuar dhe portorikanë, venezuelianë, si dhe kolumbianë në shenjë solidariteti.

Fidel Castro, që qeverisi Kubën për rreth gjysëm shekulli vdiq sot në moshën 90-vjeçare. Ai konsiderohet një ndër 3 liderat e botës që ka udhëhequr më gjatë. Ata qe kundërshtuan regjimin e tij të gjatë u burgosen ose braktisen vendin duke u larguar drejt SHBA-ve.

/Shqiptarja.com
  • Sondazhi i ditës: 27 Dhjetor, 14:09

    Si ka qenë 2025-a për ju?

Lajme të tjera