POP 5

Lajmet më të lexuara të 5 minutave të fundit

Media

Vdes gazetarja Letizia Leviti,ja audio
mesazhi që i lë miqve të redaksisë

Leviti gazetarja e Sky TG24 u nda nga jeta në moshën 45-vjeçare pas një sëmundje të rëndë. Leviti ishte nëna e tre fëmijëve.  VIDEO
Vdes gazetarja Letizia Leviti,ja audio<br />mesazhi që i lë miqve të redaksisë
“Me dëgjoni. Nuk do të doja, mendoja se do t’ia dilja si shumë herë të tjera, por jetën nuk e vendosim ne. Me këtë mesazh doja t’ju falenderoja dhe t’ju lija pak nga unë. Doja t’ju përshëndesja sepse kështu ndodhi dhe nuk do të kthehem më aty. Prej kohësh nuk kam qenë aty, dhe më keni munguar, puna më ka munguar. Puna për mua është e vërtetë, puna jonë është e vërteta, duhet të jetë e vërteta. Kemi një detyrim ndaj telespektatorëve duhet t’u themi të vërtetën, ata e besojnë asaj çka u themi. Doja t’ju falenderoja për mbështetjen në këtë periudhë edhe për afrimitetin e mëparshëm. Nuk kam dëshirë të iki. Nuk do t’ju lë, një përqafim për të gjithë,” ishte ky mesazhi prekës që gazetarja italiane Letizia Leviti i lë miqve të saj të redaksisë pas ndarjes nga jeta.

Leviti gazetarja e Sky TG24 u nda nga jeta në moshën 45-vjeçare pas një sëmundje të rëndë. Leviti ishte nëna e tre fëmijëve. 

Ajo ishte diplomuar në filozofi dhe filologji dhe pas viti 1995 nisi të bashkëpunoi me disa gazeta si “ La Nazione” dhe Corriere Apuano. Fituese e një konkursi për gazetarë në Parlamentin Evropian, Letizia ka punuar në Sky Tg24 që nga viti 2003 si prezantuese dhe më pas si reportere lufte.

Lajmin për ndarjen nga jeta të 45-vjeçares e dha ish drejtori i informacionit Emilio Carelli: “ Lamtumirë Letizai Leviti, mike e mrekullueshme, kolege me talent të madh. Do të jesh gjithmonë në zemrat tona”,shkruan ai në twitter.

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Theu masën e arrestit të shtëpisë, shpallet në kërkim 47 vjeçari nga Fieri

Theu masën e arrestit të shtëpisë, shpallet në kërkim 47 vjeçari nga Fieri

5 Nëntor, 13:13