Vdes në Tiranë Ramiz Alia
I fundit President komunist

Në Shqipëri, vdiq sot në moshën 86 vjecare, si pasojë e një sëmundjeje, presidenti i fundit komunist i vendit, Ramiz Alia
Zoti Alia u nda nga jeta mengjesin e sotëm në një spital të Tiranës pasi u godit nga një tromboemboli polmonare, njoftuan mjekët.

Ai ka qenë një ndër personazhet kryesore të regjimit komunist shqiptar, dhe bashkëpunëtor i afërt i diktatorit Enver Hoxha në fillim të viteve 80. Ai u bë pasuesi i tij i natyrshëm, kur Hoxha vdiq më 1985. Në fund të viteve ’80, ndërsa e gjithë Europa lindore u përfshi nga një valë ndryshimesh demokratike, Alia u përpoq të realizonte disa reforma, kryesisht të karakterit ekonomik, dhe të hapte vendin ndaj perëndimit. Por zhvillimet në Shqipëri, qenë më të shpejta se ndërhyrjet e tij të cekta. Nën trysnin e revoltës së studentëve në fund të vitit 1990 Ramiz Alia u detyrua të njihte pluralizmin politik. Partia komuniste e drejtuar prej tij fitoi megjithatë sërish në mars të 1991 dhe ai u zgjodh presidenti i parë i Shqipërisë pluraliste.

 Por një vit më vonë do të dorëhiqej pas fitores së demokratëve në zgjedhjet e marsit 1992. Pak më muaj më vonë, në te njëjtin vit ai do të arrestohej në akuzën e shpërdorimit të detyrës, por si dhe shumë drejtues të tjerë komunist, do të gjykohej vetëm për abuzime financiare. AI u lriau në 1995, për t’u arrstuar sërish dhe rifitoi lirinë pas aministisë së 1997. Vlerësimet ndaj figurës së tij janë të ndryshme. Një pjesë e konsideron si pasardhës të denjë të diktatorit Hoxha, ndërsa një pjesë tjetër gjykon se ai megjithatë shmangu një gjakderdhje në vend duke mundësuar një kalim të butë nga regjimi komunist në demokraci.