Pianisti i njohur i xhazit, kompozitori dhe lideri i grupit Ahmad Jamal ka vdekur në moshën 92-vjeçare, ka thënë gruaja e tij.
‘Shkaku ishte kanceri i prostatës’, tha vajza e tij Sumayah Jamal për New York Times.
Ahmad Jamal ishte një mik i përjetshëm i ikonës së xhazit Miles Davis dhe ndikoi në një brez muzikantësh.
Ai ishte i njohur për një stil të rrallë- shpesh duke vendosur heshtje mes notave muzikore. Jamal e quante xhazin "muzikë klasike amerikane".
Ai e filloi karrierën e tij të xhazit prej shtatë dekadash si adoleshent në epokën ‘bebop’ të spektaklit virtuoz - por stili i tij evoluoi me shpejtësi.
Qasja e tij e qetë u bë shpejt me ndikim dhe suksesi tregtar u pasua me albumin e tij të vitit 1958 ‘At the Pershing: But Not for Me’ - një nga disqet instrumentale më të shitur të kohës së tij.