POP 5

Lajmet më të lexuara të 5 minutave të fundit

Politikë

Veliaj: Askujt nuk do i prekë më këmba në baltë, do shtrojmë çdo rrugicë në çdo lagje të Tiranës

Rruga “Ramazan Kasa”, afër shkollës “Hasan Vogli” në Njësinë 9, është aksi më i fundit i asfaltuar dhe i ndriçuar nga Bashkia e Tiranës. Kryebashkiaku Erion veliaj inspektoi gjatë natës punimet në këtë kantier, ku tha se pas investimeve në shkolla dhe në kantierin e madh të rindërtimit, tashmë puna po vijon në çdo lagje të kryeqytetit, në mënyrë kapilare

Rruga “Ramazan Kasa”, afër shkollës “Hasan Vogli” në Njësinë 9, është aksi më i fundit i asfaltuar dhe i ndriçuar nga Bashkia e Tiranës. Kryebashkiaku Erion veliaj inspektoi gjatë natës punimet në këtë kantier, ku tha se pas investimeve në shkolla dhe në kantierin e madh të rindërtimit, tashmë puna po vijon në çdo lagje të kryeqytetit, në mënyrë kapilare.

“Më vjen shumë mirë që, edhe Njësia 9, ku ne kemi bërë një super shkollë si “Hasan Vogli”, është prekur nga ndërhyrjet në nivel kapilar. Është shumë e rëndësishme që, tani që bëjmë edhe infrastrukturën dhe që nuk i prek këmba askujt në baltë në të gjithë këtë mëhallë, të kompletojmë edhe pjesët në brendësi të pallateve. Kemi pasur ndërtesa të vjetra, ndërtesa që kanë qenë të amortizuara, janë bërë edhe dy pallate, tashmë duhet që të kujdesen administratorët. Pra, nëse Bashkia paguan gjysmën për kafazin e ashensorit, për instalimet, për veshjen me kapotë, duhet ta mirëmbajmë”, u shpreh Veliaj.

Kreu i Bashkisë shtoi se, në total, do të investohet në 300 mijë metra katrorë asfaltim dhe sistemim rrugësh: “Do të thotë se do të futemi në të gjitha xhepat pallateve, në të gjitha rrugicat. Sigurisht, po punojmë në disa shtresa: punon Ujësjellësi, OSHEE dhe pastaj, bashkia për t’i sistemuar këto. Një Tiranë që rritet, një Tiranë që do internet çdo ditë, do më shumë punë përditë, do 20 kë ose një rrymë tjetër që e përballon fluksin e ndërtimeve në Tiranë dhe unë besoj shumë fort se, nëse edhe komuniteti e kupton këtë, është bashkëpunues, dhe kemi mundësi t’i mirëmbajmë, atëherë edhe vendi do të bëhet tërheqës”, nënvizoi ai.

Veliaj tha se në datën 13 nëntor përfundon gara për të gjitha kompanitë që do merren me asfaltimin dhe ndërhyrjet e planifikuara në çdo njësi të Tiranës.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Jola: 05/11/2022 14:41

    1 pyetje per Veliun: cfare ke lene pa bere ne keto vite, pse s'e ke bere apo s'kishe kohe. Nuk e meriton mandatin tjeter. Koha jote mbaroi. Tirana nuk te do, nuk I perket, sepse ti i pari nuk e deshe. Simple as that

    Përgjigju
  • Mali: 05/11/2022 14:01

    Akoma te asfalti ky. Me keq se Rama me Koco Kokdhimen. Ne 10 euro investim asfalti, 9.5 i vjedhin.

    Përgjigju
  • tironci: 05/11/2022 13:05

    Hajde te karl Gega se ska kanalizime dalin ujrat e zeza ne bulevard te ri,, jemi 500 m larg qendres

    Përgjigju
  • aliu: 05/11/2022 11:51

    po rrugen "abraham linkoln" tek kodra e diellit a do e shtrosh me asfalt? apo nuk i vjen radha kurre asaj rruge. bashkia para 2 vitesh beri edhe nje projekt per ate rruge po si duket mbeti vetem ne leter

    Përgjigju
  • Keti: 05/11/2022 11:47

    Kujdes Mariglen Qaton, po ben kerdin duke favorizuar astrit veliajn me ndertimet pa leje ne albanian university

    Përgjigju
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Aksident i rëndë në Korçë – Pogradec/ Përplasen dy makina, një i vdekur

Aksident i rëndë në Korçë – Pogradec/ Përplasen dy makina, një i vdekur

8 Janar, 23:55