POP 5

Lajmet më të lexuara të 5 minutave të fundit

Politikë

Veliaj dhe Alar Karis vizitojnë Piramidën: Tirana do të ndjekë hapat e Estonisë sa i përket digjitalizimit

Kryetari i Bashkisë së Tiranës, Erion Veliaj dhe Presidenti i Estonisë, Alar Karis, i cili po kryen një vizitë zyrtare në vendin tonë, vizituan sot Piramidën, e cila po shndërrohet në qendrën më të madhe të teknologjisë në Ballkan.

Veliaj dhe Alar Karis vizitojnë Piramidën: Tirana do të ndjekë hapat e Estonisë sa i përket digjitalizimit

Erion Veliaj dhe Alan Karis

Kryetari i Bashkisë së Tiranës, Erion Veliaj dhe Presidenti i Estonisë, Alar Karis, i cili po kryen një vizitë zyrtare në vendin tonë, vizituan sot Piramidën, e cila po shndërrohet në qendrën më të madhe të teknologjisë në Ballkan. Kryebashkiaku Veliaj tha se Tirana ka zgjedhur të ndjekë hapat e Estonisë, i cili është vendi numër një sot në Europë për sa i përket digjitalizimit.

“Ajo që duam të bëjmë te Piramida është ajo ç’ka Estonia e ka bërë prej vitesh. Është një vend, i cili ka bërë një inovacion të jashtëzakonshëm në të gjitha qytetet e saj dhe sot është ndoshta numri një në Europë për digjitalizimin dhe për punët krijuese të së ardhmes. Ishte një kënaqësi që ta kishim Presidentin në këtë vizië dhe me shpresë se do bëhemi pak më shumë si Estonia me dijet që do të marrim nga qendra si kjo te Piramida, që do t’iu vlejnë një brezi çunash dhe gocash, të cilët gjithnjë e më shumë do i ngjasojnë çunave dhe gocave të Estonisë,” tha Veliaj.

Presidenti i Estonisë, Alar Karis, tha se mezi pret që bashkëpunimi me Tiranën zyrtare të rritet edhe më tej, sidomos në fushën digjitale.

“Është kënaqësia jonë të jemi këtu, jo vetëm për të treguar ekspertizën tonë, por duke e parë Tiranën dhe Shqipërinë nga lart, ne si kombe kemi shumë për të ndarë me njeri-tjetrin. Mezi pres një bashkëpunim me Tiranën dhe shpresoj që të kthehem kur të ketë përfunduar e gjitha dhe të kemi mundësi të shohim studentët dhe gjithë njerëzit që do angazhohen këtu,” tha ai.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça