Ndërsa na ndajnë edhe pak orë nga koncerti i madh falas në sheshin “Skënderbej”, këngëtarja Rita Ora u prit në një takim nga kryetari i Bashkisë së Tiranës, Erion Veliaj, dhe të dy së bashku ftuan qytetarët që t’i bashkohen këtij eventi që do të festojë Tiranën si Kryeqyteti Europian i Rinisë 2022.
“Është një kënaqësi e jashtëzakonshme që Rita Ora është rikthyer në Tiranë. Këtë vit, Tirana është Kryeqyteti Europian i Rinisë dhe teksa kemi pasur një vit fantastik me shumë aktivitete, energji dhe të rinj nga e gjithë Europa, kemi treguar se ne, të rinjtë e Shqipërisë, të rinjtë e Kosovës, jemi po aq europianë, po aq mendjehapur, po aq zemërhapur dhe të talentuar, ashtu si edhe Rita vetë është prova domethënëse e talentit shqiptar”, tha Veliaj.
Kryebashkiaku falenderoi Rita Orën për shembullin pozitiv që u jep të rinjve dhe të rejave shqiptare. Veliaj theksoi se Rita është shembulli se si përmes punës dhe sakrificës arrihen gjërat e mëdha në jetë.
“Duhet ta pranojmë se kombi ynë është një komb i vogël, i ndarë në disa shtete, por pyetja është: Si mundet një komb i vogël të japë një mesazh të madh? Këtë mund ta bëjmë me shembuj pozitivë, ndaj jam shumë i lumtur që Rita Ora është një shembull që na bën shumë krenar, që frymëzon vajza të vogla, djem të vegjël, se gjërat arrihen me punë, me shumë sakrificë”, deklaroi Veliaj.
Nisur nga ngjarja e fundit në Kosovë, e dhunimit të një vajze 11-vjeçare, koncerti i Rita Orës do të përcjellë një mesazh sensibilizues për shoqërinë shqiptare, për të respektuar më shumë gratë dhe vajzat.
“Misioni yt, misioni i familjes tënde, për të pasur një komunikim të vazhdueshëm se si djemtë në Shqipëri dhe në Kosovë t’i respektojnë më shumë vajzat, se si të rinjtë të besojnë te talenti i tyre me punë, me djersë, me përpjekje, është një mesazh edhe për imazhin e Shqipërisë dhe imazhin e Kosovës”, tha Veliaj.
Mes emocioneve për rikthimin në Tiranë, Rita Ora falënderoi kryebashkiakun Veliaj për mbështetjen e vazhdueshme. Këngëtarja shprehu krenarinë për origjinën e saj shqiptare dhe siguroi se nuk do të ndalet së promovuari atë.
“Faleminderit për fjalët e mira! Kur vij këtu dua të sjell me vete frymëzim dhe argëtim, dhe gjithmonë kam bërë maksimumin. Nuk ka rëndësi nga vjen, kush je, je burrë apo grua, ndjesia është e tillë që, nëse ti je krenar për prejardhjen, ajo që mund të bësh është ta bësh të njohur vendlindjen tënde. E kam besuar gjithmonë këtë dhe prindërit e mi ma kanë thënë çdo herë. Unë do të vazhdoj ta bëj këtë derisa të jem gjallë. Ne duam të vëmë në dukje afërsinë mes Shqipërisë dhe Kosovës dhe të bërit së bashku tregon mbështetjen tonë, për komunitetet tona”, deklaroi Rita Ora.
Të dielën, Rita Ora e shoqëruar edhe nga nëna e saj, Vera Ora, dhe kryebashkiaku Erion Veliaj, ndau me të rinjtë e Liceut Artistik detaje për koncertin e madh të 6 Shtatorit, ku u shpreh e surprizuar me ndryshimet që ka pësuar qyteti i Tiranës.
Lajme të tjera
-
Çlirimi i Shqipërisë, nxënës e veteranë mbjellin 80 pemë në varrezat e Dëshmorëve! Veliaj: Të qartë në vokacionin tonë Europian
27 Nëntor, 15:59 -
“Nëntori i yjeve të artë”, homazh muzikor për LANÇ në TKOB. Në skenë muzika e filmave të njohur shqiptarë me temë luftën
27 Nëntor, 13:22
-
Rita Ora feston ditëlindjen, sa vjeç bën artistja me famë botërore
26 Nëntor, 19:22 -
Enver Hoxhaj nderohet me titullin ‘Doctor Honoris Causa’ në Tiranë, Veliaj: Urë lidhëse mes Shqipërisë dhe Kosovës
26 Nëntor, 16:12 -
Kopshti i ri në Njësinë 10, Veliaj: Do buxhetojmë sërish për çerdhe dhe kopshte të reja! Revolucion edhe për ushqimin falas të nxënësve nëpër shkolla
25 Nëntor, 15:40 -
Artistët nga Kosova sjellin ‘Schumman dhe Strauss’, në TKOB! Java kulturore Shqipëri-Kosovë, performancë unike e muzikës klasike! Sopranoja Besa Llugiqi e pianisti Misbah Kaçamaku, në Tiranë
23 Nëntor, 12:37
-
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Prezantohet në shqip libri i ish-kryebashkiakut të Bogotas, Veliaj: Ekipi i tij do ndihmojë në zbatimin e sistemit të ri të transportit në Tiranë
19 Nëntor, 14:46 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29
