Në çelje të fushatës për zgjedhjet e pjesshme të 6 marsit, drejtuesi politik i Partisë Socialiste për Qarkun e Tiranës, Erion Veliaj, u kërkoi qytetarëve të Rrogozhinës të mbështesin kandidatin socialist Edison Memolla, si mënyra për të vijuar punët dhe projektet e mira në qytet. Ai tha se sot në Rrogozhinë po bëhen punë me cilësi njësoj si në Tiranë.
“Fakti se ne socialistët punojmë me të njëjtin seriozitet, si në qendër të kryeqytetit, ashtu edhe në një qytet si Rrogozhina, do të thotë se e duam votën tuaj për punë, jo për sherr. Saliu thotë ma jepni votën që, me të mbaruar votimet, t’i them Lulit dola më mirë se ty, prandaj do ta vazhdoj sherrin për bravën. Luli thotë ma jepni votën - e di që nuk fitoj - por të paktën të kem mjaftueshëm vota, që në datë 7 mars, të vazhdoj sherrin me Saliun. Ata e duan votën për sherr, e duan votën si një lloj leve. I thonë miletit: “ma jep këtë levën, që t’ia fus tjetrit në kokë!”. Kurse për ne vota është instrumenti me të cilin bëjmë punët e mira të Rrogozhinës. E duam votën që të mbarojmë projektet. Kush është demokrat duhet t’i bëjë vetës një pyetje: Duke dhënë votën për sherr, si i mbarojmë gjithë këto shkolla në Rrogozhinë? Vetëm duke dhënë votën për punë, ne i mbarojmë shkollat, ujësjellësin, mbarojmë investimet. Vetëm duke dhënë votën për punë ne përgatitemi për stinën e verës në Spille, sigurohemi që i rritet vlera pronës, sigurohemi që qyteti është më i pastër, sigurohemi që infrastruktura në Rrogozhinë të jetë njësoj si në Tiranë. Ndaj, vota nuk është për sherr, është për punë,” vijoi ai.
Veliaj u bëri thirrje demokratëve të heqin dorë nga partitë që kanë hallin e bravave dhe të bashkohen me forcën që po ndërton 102 shtëpi në Rrogozhinë pas tërmetit, shkolla e kopshte për fëmijët e tyre.
“Kush është më e rëndësishme në jetë: partia apo shtëpia? Forcat politike apo familja jote? Unë jam socialist, jam shumë krenar për këtë, por ama në fund të ditës unë them: Familja ime është gjëja më e shtrenjtë, pastaj vjen familja ime politike. Është e dyta në radhë. Ndaj, dhe miqtë demokratë duhet t’i bëjnë pyetje vetes: Është më e rëndësishme brava e Lulit dhe Saliut, apo brava e 102 shtëpive që ne po bëjmë për rindërtimin pas tërmetit? Është më e rëndësishme karrigia e Saliut dhe Lulit për ty si demokrat, apo është më e rëndësishme që pasi të mbarojnë 102 shtëpitë, pasi të mbarojnë këto shkolla, pasi të mbarojë ai kopësht, të kenë karrige ku të ulen familjarët e tu, fëmijët e tu, familja jote, ajo që është më e rëndësishme se familja e partisë”, deklaroi drejtuesi politik i PS për Qarkun e Tiranës.
Veliaj tha se vetëm në një vit me Edison Memollën në Bashkinë e Rrogozhinës janë ndërtuar 2 shkolla dhe janë në proces edhe 5 të tjera.
Edhe nga Preza, ku drejtuesi politik i PS për Qarkun e Tiranës, Erion Veliaj, çeli fushatën për zgjedhjet e pjesshme të 6 Marsit në Vorë, deklaroi se vota për kandidatin Blerim Shera, është votë që përkthehet në projekte konkrete, që ndihmojnë në zhvillimin e zonës strategjike mes Durrësit dhe Tiranës. Veliaj ftoi të gjithë qytetarët të bëjnë dallimin mes atyre që e duan votën për pushtet dhe forcës që votëbesimin e shikon si një kontratë pune.
“Pashë Saliun dhe Lulin kur erdhën për fushatë në Vorë; Saliu thoshte: ‘Më jepni votën, që me votat tuaja të shqyej bravën që nuk e shqeva dot në 8 janar’. Kurse Luli thoshte: ‘Më jepni vota, që me to të blej pak më shumë gaz, që t’i lë këta jashtë kur të vijnë prapë si në 8 janar’. Të dy po u thonë njerëzve: ‘Na jepni vota që ne të vazhdojmë sherrin! Na jepni vota që ne të vazhdojmë luftën! Na jepni vota që ne të vendosim kush e mban karrigen e partisë! Na jepni vota që të zgjedhim kush do e shqyejë bravën!’”, u shpreh Veliaj.
Komente
Lajme të tjera
-
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Vrasja e Klaudio Prendit/ Ishte në kafe me 3 policë, njëri ndoqi mjetin e autorëve pas ekzekutimit! Vrasësit me 'Audi A4' vëzhguan zonën para krimit
22 Nëntor, 10:47
Po T'JU leme JUVE TE Na VIDHNI si tek inceneratoret. ...asnje vote per PS NE KETO ZGJEDHJE......
Përgjigju