Roli i Shqipërisë gjatë drejtimit të Këshillit të Sigurisë por dhe zhvillimet më të fundit të ndodhura në vendin tonë, sidomos sulmet kibernetike të Iranit, ishin temat kryesore të takimeve në ditën e tretë të vizitës së kryetarit të Bashkisë së Tiranës, Erion Veliaj, në Shtetet e Bashkuara.
Veliaj ka takuar Senatorin e Texasit, John Cornyn, si dhe kongresmenet Carolyn Maloney dhe Elissa Slotkin, me të cilët ka biseduar lidhur me sfidat e përbashkëta tanimë të sigurisë por dhe për të tjera çështje për të cilat vendi ynë ka mbështetjen e aleatëve të SHBA.
“Kemi pasur tre ditë intensive në Uashington, ku theksi është te Shqipëria dhe avancimi që ka bërë në shumë fusha, si në zhvillimin ekonomik, ashtu edhe si një anëtare shumë dinjitoze e NATO-s. Gjithashtu ka patur vlerësime për qeverinë e Edi Ramës edhe për mënyrën sesi Shqipëria ka drejtuar të gjithë punën në Këshillin e Sigurimit kur ka pasur Presidencën, ose si një nga anëtaret më aktive, qoftë në çështje të Ukrainës, të Afganistanit, apo edhe në marrëdhëniet që ka pasur me opozitën iraniane që është në Tiranë,” u shpreh kryebashkiaku i Tiranës.
Veliaj tha se nga aleatët tanë u vlerësua fakti se pavarësisht rrezikut për sulme, Shqipëria i hapi dyert për të ndihmuar popuj dhe komunitete në nevojë.
“Ka pasur një interes të jashtëzakonshëm nga senatorët dhe kongresmenët për të kuptuar çfarë dëmi dhe problematikash pati Shqipëria nga sulmi kibernetik. Më vjen mirë që të raportoj që jo vetëm qeveria dhe kryeministri ynë, por në fakt e gjithë popullata u solidarizua për të ruajtur dinjitetin e asaj që është virtyt shqiptar, të mbrojtjes së atyre që janë në rrezik, të qenit një vend i hapur, të ofrimit edhe të hapjes së derës së shtëpisë për ata që janë në nevojë. Kurrsesi kjo situatë nuk u kthye në një mënyrë për të argumentuar se Shqipëria duhet të mbyllet dhe nuk duhet të kryejë detyrimet dhe angazhimet e saj në momentin që sulmohet,” u shpreh ai.
Kreu i Bashkisë siguroi se ka marrë garancinë edhe vetë personalisht nga Shtetet e Bashkuara se nuk do të mungojë kurrë mbështetja dhe ndihma ndaj vendit tonë.
“Jam shpresëplotë që shumë prej takimeve do të materializohen në një ndihmë shtesë për mënyrën sesi Shqipëria mund të mbrohet më shumë. Jam i sigurt që qeverisë sonë, kryeministrit tonë, nuk do t’i mungojë ndihma nga një aleat ideal si SHBA, që në fakt e kanë marrë shumë seriozisht dhe ka qenë ndoshta një nga pikat më të diskutuara në takimet tona, mënyra sesi Shqipëria e përballoi atë sulm mbi sistemet tona elektronike. Më e keqja ka kaluar, por besoj që me mbështetjen e SHBA që nuk do të mungojë ndaj kryeministrit dhe qeverisë, sigurohemi që në të ardhmen ne kemi të gjitha mjetet e nevojshme për të përballuar sulme të tilla dhe për t’i zmbrapsur,” përfundoi ai.
Veliaj ndodhet për një vizitë në Uashington, ku ka zhvilluar një sërë takimesh të rëndësishme në Kongresin dhe Senatin Amerikan. Ai u prit edhe nga kryetarja e Kongresit, Nensi Pelosi, ish kandidati për President të SHBA-së, senatori Mitt Romney, kryetari i Senatit Amerikan, Chuck Schumer dhe shumë zyrtarë të lartë amerikan.
Një fanellë kuqezi, këtë herë me numrin 1, kryebashkiaku i Tiranës e kishte dhuratë edhe për djalin e George Soros, Aleksandër Soros, në vizitën e tij në Shtetet e Bashkuara të Amerikës. Lajmi e takimit të Veliajt me Alex Soros, e ka bërë vetë djali i multi miliarderit të famshëm, i cili nëpërmjet një postimi në Tëitter, tregon dhuratën dhe vlerëson kryebashkiakun e Tiranës si kampion të Shoqërisë së Hapur.
“I kënaqur që takova Erion Veliaj gjatë vizitës së tij në SHBA. Një mik dhe një lider i vërtetë, ai ka bërë shumë për Tiranën si kryebashkiak dhe kampion i shoqërisë së hapur. Do ta ruaj përgjithmonë këtë fanellë të kombëtares shqiptare”, shkruan Soros në Twitter
Komente
Lajme të tjera
-
'Amerika vendos', Rudina Hajdari zbulon në Report Tv: Votova për Trump! Do i sillte ndryshim botës! Kadilli: Ka alarm në agjencitë e OKB
5 Nëntor, 22:07 -
Osmani: Kosova e bekuar me përkrahjen bipartizane amerikane
5 Nëntor, 16:48 -
SHBA/ Agjencitë federale thonë se Rusia dhe Irani po shtojnë përpjekjet për të ndikuar në zgjedhjet amerikane
5 Nëntor, 15:26 -
Koreja e Veriut kryen një provë me raketa balistike me rreze të shkurtër veprimi
5 Nëntor, 15:16 -
NBA/ Thunder dhe Cavs me pikë të plota, Lakers 'K.O' në Detroit! Fitojnë Golden State dhe Celtics
5 Nëntor, 13:07 -
CNN: Si po përgatiten aktivistët Trumpistë të minojnë rezultatin e zgjedhjeve, nëse fiton Kamala
5 Nëntor, 12:55 -
Veliaj thirrje qytetarëve: Ta kthejmë nëntorin në një muaj feste, valëvisni flamurin kudo ku ka shqiptarë (VIDEO)
5 Nëntor, 12:12 -
Frika e NATO-s nëse Trump kthehet në pushtet, përgatitje për një skenar ekstrem
5 Nëntor, 09:42 -
Biografia/ Donald J. Trump: Një rrugëtim i pazakontë drejt presidencës
5 Nëntor, 09:06 -
Biografia e Kamala Harris: Nga bijë emigrantësh, tek një emërim historik për presidente
5 Nëntor, 09:02 -
Guida/ Votimet, rezultatet dhe shpallja e fituesit, oraret dhe rregullat! Gjithçka që duhet të dini për zgjedhjet presidenciale
5 Nëntor, 08:40 -
'Amerika Vendos!' Report Tv e Shqiptarja.com transmetim maratonë sot në mbrëmje, nisim në 21:00
5 Nëntor, 08:33
Edhe kjo cudi nuk qe pare e degjuar. Qe lali Eri paska pas mandat te brifoje Kongresin amerikan per sulmet kibernetike te Iranit!!! Nuk e dinim qe bashkia merret me keto pune. Nejse. Dmth, Irani na sulmon, ne biem ne bythe, kerkojme ndihme nga amerika, dhe shkon lali dje informon amerikanet per cka na kane mdihmuar. Mistrece i dinim por mburravece nw kufijte e gomarizacionit??
PërgjigjuTe dy njesoj jane
PërgjigjuO erion nuk te jep pike takimi me sorosin perkundrazi lali se i ka dal boja tu trazu ballkanin
PërgjigjuAhahahahah prape ky me aleksin apo ai ja siguroi takimet,ky i dha bluzen kurse aleksi i dha nje k..fallco qe tja coj shqiptarve ne tirane me porosin qe cerdheve tu boj rregjistrat me prindrit numri 1 dhe numri 2,
Përgjigju