POP 5

Lajmet më të lexuara të 5 minutave të fundit

Politikë

Veliaj: Keqardhje që kundërshtarët tanë janë katandisur në vetëm një dritare, Krenar që PS-së po i bashkohen të rinj të talentuar

Nga Vora, gjatë shpërndarjes së kartave të anëtarësimit në Partinë Socialiste, drejtuesi politik për Qarkun e Tiranës, Erion Veliaj, komentoi kundërshtarët politikë, kur tha se i vjen keq si është katandisur një forcë politike vetëm në një dritare.

Veliaj: Keqardhje që kundërshtarët tanë janë katandisur në vetëm një dritare, Krenar që PS-së po i bashkohen të rinj të talentuar

Nga Vora, gjatë shpërndarjes së kartave të anëtarësimit në Partinë Socialiste, drejtuesi politik për Qarkun e Tiranës, Erion Veliaj, komentoi kundërshtarët politikë, kur tha se i vjen keq si është katandisur një forcë politike vetëm në një dritare.

Veliaj tha se ata janë si Big Brother, kë të nxjerrin nga shtëpia. Ndërsa shprehu kënaqësinë që Partisë Socialiste po i afrohen çdo ditë e më shumë çuna dhe goca të talentuar.

“Kur shikoj atë forcën tjetër që është duke i qarë hallin atij 80-vjeçarit, që ka ngelur në dritare, dhe shikoj forcën tonë që e ka vënë të gjithë bastin për të ardhmen te çunat dhe gocat e rinj, te ata që janë profesionistë, te ata që janë të talentuar, që janë të përkushtuar, që po shkojnë në shkolla, që përfaqësojnë të ardhmen. Mund të thotë dikush, po mire se këto nuk janë më shumë sesa 20%. Çunat dhe gocat e rinj mund të jenë 20% e popullsisë, por janë 100% e të ardhmes sonë. Dhe ndaj, nëse ata janë duke e mbajtur kokën lart nga e kaluara, ne e mbajmë kokën përpara nga e ardhmja, nga çunat dhe gocat tanë të mrekullueshëm, që afrohen me ne sot.

Kur ti shikon që një parti që deri dje qeveriste gjithë Shqipërinë, pastaj deri në vitin 2015 qeveriste Tiranën, pastaj Tiranën e Vorën, pastaj qeveriste vetëm bulevardin “Dëshmorë e Kombit”, kur vunë ato çadrat, pastaj u futën në oborr të tyre, të digjnin shtëpinë e tyre dhe qeverisnin ose keqqeverisnin vetëm oborrin e tyre. Tani kanë shkuar vetëm tek një rrugicë në Tiranë dhe akshe-akshe janë duke qeverisur vetëm një dritare me një ballkon aty, tek rruga “Mustafa Matohiti” dhe kur njerëzit shohin se si ajo parti merret vetëm me veten e vet dhe jo me hallet e njerëzve, mos kini asnjë dyshim se PS do vijojë të rritet, do vijojë të forcohet dhe të fitojë”, tha ai.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)

Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)

24 Dhjetor, 16:59