Familjet e prekura nga tërmeti i 26 Nëntorit në Kombinat do t’i marrin shumë shpejt 1069 apartamentet e tyre të reja, të ndërtuara nga Bashkia e Tiranës. Kryebashkiaku Erion Veliaj inspektoi punimet për pallatet e reja, ku njoftoi se pas gushtit do të hidhet shorti për shpërndarjen e banesave.
“Ne do të vazhdojmë të punojmë edhe gjatë verës, që kur njerëzit të kthehen nga pushimet, të hedhim shortin për Kombinatin. Këtu po ndërtojmë një super kompleks, një super lagje e ndarë në seksione të ndryshme. Para disa ditësh ishim te seksioni 5, 6, ndërsa ky është seksioni 7. Në total janë 1069 apartamente, të cilat do të gëzojnë 1069 familje, për të nisur një jetë të re në hapësira e kushte më të mira”, tha ai.
Kreu i Bashkisë nënvizoi se banesat e reja janë shumë herë më cilësore se ato që ua dëmtoi tërmeti. Ai siguroi se pavarësisht betejave penguese nëpër gjyqe nga partitë politike, Bashkia e Tiranës nuk do ta ndalojë punën.
“Kalojmë nga shtëpitë parafabrikate, të ndërtuara me mjete rrethanore dhe punë vullnetare, në shtëpi të reja, me hapësira të përbashkëta, me ashensor, me kate përdhese për shërbime, parkingje etj. Pritja do t’ia vlejë! Kemi pasur një kalvar me gjyqe nga lloj-lloj partish, por unë do të sigurohem që edhe betejat t’i bëjmë të gjitha, të japim çdo sqarim që duhet dhënë para organeve të drejtësisë, ama nga ana tjetër, nuk e ndalojmë punën. Është shumë e vështirë të bësh punë në një vend ku politika është futur në çdo pore dhe përpjekja për të penguar çdo gjë të mirë dhe çdo histori suksesi është titanike. Megjithatë, unë besoj se shumica e njerëzve janë të mirë, e duan punën, duan që vendi dhe qyteti të ecë përpara”, deklaroi Veliaj.
Sipas tij, bashkia është e fokusuar te puna për ndërtimin sa më shpejt të banesave, por edhe për zgjidhjen e çështjeve gjyqësore të nxitura nga partitë.
“Ne jemi ndarë në dy skuadra: Një skuadër që merret me gjithë bllokimet e partive nëpër gjykata dhe prokurori, me masa sigurie dhe çështje pronësie të paqena, të cilat na humbin kohën kot, por nuk ndryshojnë asgjë; kemi edhe një ekip tjetër që punon në terren, për t’u siguruar që i kapim afatet. E vetmja kërkesë që kam është të shtojmë ritmin. Do vij shpesh gjatë verës për t’u siguruar që i kapim këto afate. Do përgatitemi për të hedhur shortin, siç kemi bërë te “5 Maji”. Por, do sigurohemi që edhe shkolla e re “Musine Kokalari” të mbarojë në afat, pra ta fillojmë shtatorin me një shkollë të re për komunitetin”, tha Veliaj.
Kryebashkiaku deklaroi se falë këtij projekti do të marrë zgjidhje një herë e mirë problematika e vjetër e kanalizimeve të mbartura që nga koha e ish-komunave. Zona e re në Kombinat do të garantojë zhvillim të qëndrueshëm dhe strehim të përshtatshëm të banorëve të prekur.
1069 apartamente të reja janë gati në zonën e Kombinatit në Tiranë, për familjet e prekura nga tërmeti i 26 nëntorit të vitit 2019. Kryeministri Rama shkruan në Facebook se shumë shpejt do hidhet shorti për të dorëzuar çelësat në dorë të secilit kryefamiljar.
'Në Kombinat janë gati 1069 apartamente për 1069 familje që do gëzojnë shtëpitë e tyre të reja, me ashensor, parkingje dhe hapësira çlodhëse. Shumë shpejt do të hidhet shorti për t'i dorëzuar çelësat në dorë secilit kryefamiljar', shkruan Rama në Facebook.
Lajme të tjera
-
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Vrasja e Klaudio Prendit/ Ishte në kafe me 3 policë, njëri ndoqi mjetin e autorëve pas ekzekutimit! Vrasësit me 'Audi A4' vëzhguan zonën para krimit
22 Nëntor, 10:47 -
Vrasja e Martinit, 'arrest me burg' 14 vjeçarit, gjyqi mbahet në spital! I mituri s'tregon ku fshehu thikën: S'mbaj mend çfarë ndodhi! Hetohet kush e ndihmoi
22 Nëntor, 09:36
