Drejtuesi politik i Partisë Socialiste për Kavajën, Erion Veliaj, inspektoi sot punimet për godinën e re të konviktit të shkollës profesionale “Charles Telford Erikson” në Golem, e cila ishte dëmtuar rëndë nga tërmeti i 26 nëntorit 2019. Në shoqërinë e kryebashkiakut të Kavajës, Redjan Krali, Veliaj tha se fatkeqësia e tërmetit solli një mundësi për ringritjen dhe rimëkëmbjen edhe të institucioneve arsimore në vend.
Ai shtoi se me ritmet me të cilat po punohet, konvikti i ri pritet të jetë gati në semestrin e dytë shkollor.
“Jemi shumë krenarë që ju shohim edhe sot në punë. Është fundjavë, por meqë tërmeti nuk bën pushim, meqë pandemia nuk bën pushim, as puna nuk duhet të bëjë pushim. Nga ecuria e punimeve duket sikur do të jetë gati për semestrin e dytë. Jam i sigurt se hyrja në konviktin e bujqësores do të kthehet në diçka shumë të kërkuar”, u shpreh Veliaj, duke shtuar se “këto janë para që hidhen në ekonomi, ndihmojnë rimëkëmbjen nga problematikat që solli pandemia”.
Godina ekzistuese e konviktit ishte ndërtuar që në vitin 1925, nga një misionar amerikan, i lidhur shpirtërisht me çështjen shqiptare, por edhe me çështjen e arsimit. Bashkë me shkollën, e ndërtuar nga e para me investimin e buxhetit të shtetit 3 vite më parë, konvikti plotëson këtë vatër të rilindur dhe çon në vend dinjitetin e emrit të rëndësishëm që ato mbajnë.
Komente
Lajme të tjera
-
Temperaturat e ulëta, pas më shumë se 2 vitesh, Shkodra zbardhet nga dëbora
17 Janar, 22:06 -
Bilanc ‘lufte’, 12 viktima nga aksidentet rrugore në dy javë! Shkak shpejtësia dhe parakalimet e gabuara
17 Janar, 21:41 -
Vajzat shqiptare që shesin trupin online: Është punë, për 4 muaj mora 1500 dollarë, paguaj qiranë dhe nevojat e mia
17 Janar, 21:33 -
Ndalimi i gjuetisë jep efekt pozitiv, rritet numri i shpendëve në liqenin e Pogradecit dhe të Prespës
17 Janar, 20:41 -
Iu gjet makina e djegur në Pukë, zhduket prej ditësh sipërmarrësi italian në Shqipëri! Mediat e huaja: Mund të jenë gjetur dhe mbetje trupi
17 Janar, 20:13 -
Aksident në aksin Lezhë-Shëngjin, plagosen dy persona
17 Janar, 19:49
Po ky ca trapin do ne Golem i doli boja fare
Përgjigju