POP 5

Lajmet më të lexuara të 5 minutave të fundit

Politikë

Veliaj në ‘Kosova Business Forum’: Tirana dhe Prishtina, për t'u marrë shembull, po zhvillohen dhe po ecin pa u ndalur

Në Prishtinë po mbahet forumi i biznesit “Kosova Business Forum”. I pranishëm në ceremoninë e hapjes, kryetari i Bashkisë së Tiranës, Erion Velia tha se Tirana dhe Prishtina janë dy qytete që duhen marrë shembull.

Nga forumi i biznesit në Prishtinë, kryetari i Bashkisë së Tiranës, Erjon Veliaj, tha se të dyja kryeqytetet shqiptare, do të vazhdojnë të rriten si motorët e ekonomisë të Kosovës e Shqipërisë.

“Duhet ta pranojmë faktin se Tirana dhe Prishtina do të vazhdojnë të rriten, ndërsa komunat e tjera, edhe pse na vjen keq, do të vazhdojnë të tkurren. Jam i bindur se nëse secili prej jush e pyet veten ku do jetë në 2030-ën, përgjigja do jetë në një Prishtinë që zhvillohet, që ecën shpejt e vrapon pa u ndalur”, tha Veliaj. 

Kryetari i Komunës së Prishtinës, Përparim Rama tha se Prishtina merr shembull nga Tirana në shumë fusha.

‘Ne po mësojmë shumë nga Tirana. Në vitin 2023 Tirana ishte “Qytetit Europian i Sportit” dhe Prishtina sivjet mban me krenari Qyteti Europian i Sportit 2024; pra, po e ndjekim hapin e Tiranës”, tha Perparim Rama. 

Përmes "Kosova Business Forum", synohet forcimi i lidhjeve mes sektorit publik dhe atij privat, si dhe synohet inkurajimi i bashkëpunimit ndërkombëtar dhe promovimi i Prishtinës si një destinacion atraktiv për investime.

SI.E./S.A/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Dua Lipa shkëlqen në ceremoninë e ndarjes së çmimeve ‘Time 100’

Dua Lipa shkëlqen në ceremoninë e ndarjes së çmimeve ‘Time 100’

27 Prill, 12:33