Kryetari i Bashkisë së Tiranës, Erion Veliaj priti në takim Olivera Injac, kryetare e Bashkisë së Podgoricës. Teksa vlerësoi bashkëpunimin mes dy vendeve, kryebashkiaku Veliaj u shpreh se kjo marrëdhënie duhet të jetë edhe mes dy qyteteve. Ai theksoi se këtë vit Tirana do të jetë epiqendra e Ballkanit.
“Ashtu si lidershipi ynë, kryeministri ynë, qeveria juaj, kanë pasur një bashkëpunim fantastik, dua që i njëjti bashkëpunim të jetë edhe për qytetet tona. Mezi pres që këtë vit që Tirana është epiqendra e Ballkanit dhe që do të drejtojë B-40, ne të jemi një platformë për të mësuar, për të treguar disa nga eksperiencat tona, qoftë në fushën e teknologjisë, qoftë në fushën e modernizimit, të urbanistikës së qytetit. Ne duam të mësojmë nga Podgorica për gjërat që funksionojnë mirë aty dhe mund të përshtatemi. Ndonjëherë, ne në Ballkan mundohemi që të shkojmë përtej Atlantikut ose përtej deteve për të parë historitë e suksesit. Por, ndonjëherë hitoritë e suksesit janë në fqinjësinë tonë”, tha ai.
Veliaj theksoi se Podgorica dhe Tirana kanë një vëmendje të shtuar edhe për diplomacinë e qyteteve.
“Shqipëria dhe Mali i Zi janë vende që kanë qenë afër në ditë të vështira, por edhe tani në ditët tona më të mira. Jemi bashkë në NATO, bashkë në procesin e integrimit. Suksesi i Malit të Zi është edhe suksesi ynë, suksesi ynë është edhe suksesi i Malit të Zi”, theksoi ai.
Olivera Injac, kryetare e Bashkisë së Podgoricës, falenderoi kryebashkiakun për praktikat dhe këshillat, ndërsa e cilësoi atë si më të suksesshëm në Ballkan.
“Këtu ndihem jo si e ftuar, por si dikush shumë e vlerësuar dhe si një mikeshë e vërtetë e z. Veliaj, i cili na ka ofruar shumë praktika dhe këshilla të mira dhe miqësisht mbështet punën time. Është gjithmonë mirë të jem këtu dhe sikurse z. Veliaj tha, suksesi juaj dhe suksesi im është sukses i përbashkët në Ballkanin Perëndimor. Faleminderit për mikpritjen që po na bëni, për mikpritjen e eventit të B40 dhe sigurisht që po më mikprisni mua me praktikat tona më të mira dhe me eksperiencën tuaj si kryebashkiak, e nëse mund ta them, kryebashkiaku më i suksesshëm në Ballkan”, deklaroi ajo.
Për një vit, Tirana do të ketë dhe drejtimin e Presidencës së Rrjetit më të madh të qyteteve ballkanike, B-40.
Lajme të tjera
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19 -
Trafik i rënduar në aksin Tiranë-Elbasan, shqiptarët drejt Pogradecit e Korçës për festat e fundvitit
24 Dhjetor, 15:44 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Tiranë/ 22 vjeçari arrestohet brenda parkingut në QSUT, kapet me rreth 900 gr kokainë! I sekuestrohet municion luftarak në banesë
24 Dhjetor, 11:49 -
VIDEO/ 'Motërq***, b***q, a i çon lekë fëmijës... Hë e more rrogën sot?', Belind Këlliçi dështon sërish, nuk mbledh dot militantë e i hakërrehet policëve
24 Dhjetor, 11:36 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Tiranë/ Digjen 3 autobusë gjatë natës tek Ish-Uzina e Autotraktorit (VIDEO)
24 Dhjetor, 08:09 -
Mero Baze: Një hakmarrje ndaj qytetarëve që e kanë braktisur
24 Dhjetor, 07:02
-
Protesta e PD me bllokim rrugësh, Policia e Tiranës shoqëron 30 persona
23 Dhjetor, 22:13
