Veliaj:PS 18 mandate në Tiranë,ta
menaxhojmë fitoren me përulësi

Kryebashkiaku i Tiranës, Erion Veliaj thotë se Partia Socialiste duhet që ta menaxhojë me përulësi fitoren, pasi rreziku më i madh është nëse i hipën vetja në qejf.
 
Ai shprehet se rezultati ishte një përgjigje për opozitën nga qytetarët, se duan punë dhe jo llafe e shkatërrime.
 
“Ne besojmë te puna dhe jo te fjalët. Në shumë incidente në Tiranë kam insistuar që modeli i dhunimit dhe shkatërrimit është një model, që populli nuk e do.
 
Kam insistuar që puna e mund dhunën. Tirana ka folur qartë, nuk do dhunë, por punë. Më vjen mirë që Tiranë si bashki, por edhe brenda qarkut.
 
Mesazhi ishte i qartë; vazhdoni që të punoni, ishte një mesazh për të gjithë gjithologët, disa nëpër TV.
 
Duhet të jemi pozitiv me njëri tjetrin.  Tirana ka një memorie të 2005, ku u shkatërrua cdo gjë e mirë nga Zogu i Zi te sheshi Skënderbej, në dy vitet e fundit patëm një hov, tani ndoshta hov edhe më të madh.
 
Në këshillin bashkiak kemi marrëdhënie korrekte me të gjithë aleatët. Duhet ta menaxhojmë fitoren me përulësi, mallkimi më i madh nëse PS i hipën vetja në qejf” deklaroi ai.
 
PS nesër festë në Tiranë për fitoren
Veliaj lajmëroi që nesër PS do të ketë një festë në sheshin Skënderbej për fitoren në zgjedhje, ndërsa shtoi se e majta arriti që të fitonte edhe në disa bastione të PD.
 
“Në disa zona të djathta, apo lagje që kanë themeluar PD kanë votuar PS”. 

dy.b/shqiptarja.com