Veliaj ka thënë se, situata financiare nuk e lejon që të bëjë investime të ekzagjeruara në blerjen e futbollistëve.
“Kjo është një ndërmarrje aksionare, ku Bashkia është në minorancë. Ashtu siç unë jam shumicë aksionare në Ujësjellësin e Tiranës dhe vendimet shkojnë siç i propozoj unë, meqë jam aksionar shumicë, edhe në sport klub “Tirana”, vendimet i merr shumica. Bashkia e Tiranës ka vetëm 34% të aksioneve. I kemi kërkuar aksionarit të shumicës, së pari të bëjë një mbledhje aksionarësh. Asambleja mblidhet për të marrë vendime.I kam kërkuar z. Halili të mbledhë asamblenë, të na sjellë disa dokumente. Kur dëgjoj gjëra të natyrës: ‘Na duhen 130 mijë euro për një lojtar që ka luajtur vetëm 7 minuta në Shqipëri’, sigurisht që paratë e taksapaguesve të Tiranës, unë nuk i administroj shkel e shko. 130 mijë euro për 7 minuta, besoj as Ronaldo nuk kërkon! Ajo që kam kërkuar e premtuar si kryetar bashkie është të ndihmojmë të gjitha ekipet”, tha Veliaj.
24 herë kampionët e Shqipërisë nuk po kalojnë një edicion të mirë dhe humbja në derbi i ka zhytur akoma më shumë në krizë.
Klubi i Tiranës është zyrtarisht në dorë të biznesmenit Refik Halili, i cili ka 66% të aksioneve të klubit, ndërsa Bashkia e Tiranës vetëm 34%.
Aktualisht Tirana ndodhet në vendin e 4 me 39 pikë, objektiv për këtë edicion mbetet Europa, pasi për titullin kampion gjithçka duket e mbyllur.
Redaksia Online
(F.T/shqiptarja.com)