Kryebashkiaku Erion Veliaj ishte në shkollën e rindërtuar “Kosova”. Ai zhvilloi një ndeshje basketbolli me të rinjtë e ekipeve Galaktik King - Tirana Basket në fushat e reja sportive, prej ku theksoi se ky është një tjetër premtim i mbajtur për nxënësit e shkollës dhe komunitetin e zonës.
“Në fillim u zhdukën pishat, u prenë gjithë pemët, pastaj u zhduk palestra dhe u zaptua në një ndërtim pa leje, mandej u zaptua oborri dhe në fund, e dogjën shkollën për ta bërë pallat. Kur isha nxënës thoja: A do vijë dita që të rikthejmë gjërat publike tek publiku? Privati le të bëjë kulla në toka private, të bëjë ç’të dojë në pronën e tij, por jo tek prona e shtetit. Ndaj, jam shumë i lumtur që kemi hapur shkollën e re edhe premtimin që bëri kryeministri, që edhe oborrin t’ia rikthejmë shkollës, tani e kemi bërë realitet dhe kemi një fushë basketbolli edhe tek shkolla “Kosova””, tha Veliaj.
Kreu i Bashkisë nënvizoi se është detyrë e çdo brezi për të krijuar më shumë hapësira dhe kushte më të mira për ata që vijnë pas.
“Unë kam luajtur basketboll me ekipin e “Sami Frashërit”, kryeministri gjithashtu ka luajtur basketboll me Kombëtaren. Vjen një ditë që t’i fillon si lojtar basketbolli, pastaj përfundon kryetar bashkie ose kryeministër. Kjo do të thotë se një ditë do të vijë radha juaj. Pyetja është: kur të rriteni e do të bëheni ju kryetar bashkie apo kryeministër, do i mbani mend kujtimet e fëmijërisë? Dhe në qoftë se sot po e shijojmë këtë fushë, kur të rriteni dhe vendin ta drejtoni ju, a do bëni edhe më shumë fusha, të lironi më shumë vende të zaptuara, do krijoni më shumë hapësira për fëmijët pas jush? Nëse secili brez e lë më mirë për brezin tjetër, do të thotë se e kemi bërë detyrën”, deklaroi ai.
Krijimi i terreneve të reja, të cilat mund të shfrytëzohen nga banorët e zonës gjatë pasditeve dhe në fundjavë, ka zgjuar interesin e të rinjve për t’u regjistruar në ekipe sportive.
“Ne kemi rreth 68 shoqata që kanë marrë nga një fushë, ose nga një palestër. Më vjen mirë që për herë të parë po futen njerëzit mik për të regjistruar dikë në basketboll ose volejboll. Më përpara futeshin mik për parti, për çudira, dhe tani fakti që ka ardhur dita që të futen mik për një nga klubet tona në basketboll, në volejboll, në futboll, në kalçeto, në të gjitha këto terrene që kemi krijuar në të gjithë territorin e Tiranës, është një lajm i mirë”, u shpreh kreu i Bashkisë.
Në një kohë që Tirana vijon përgatitjet si Kryeqyteti Europian i Rinisë në vitin 2022, Veliaj deklaroi se vitin e ardhshëm do të organizohen mbi 1000 aktivitete.
Lajme të tjera
-
Rrëfehet nga spitali shoku i Martin Canit: Mario më gjuajti me thikë 6 herë, donte të më godiste në zemër! Një burrë më ngriti peshë
24 Nëntor, 21:52 -
Protesta e opozitës më 26 Nëntor/ PD publikon 5 rrugët dhe pikat që do bllokojë në Tiranë! Ja ndarja e deputeteve
24 Nëntor, 18:48 -
Zbardhet vrasja e Eduart Reçit! Hetimet: Polici i komisariatit nr 2 në Tiranë ekzekutoi ndërtuesin, arrestohet dhe i vëllai! Motivi? Konflikte pronësie
24 Nëntor, 15:07
-
'Ata ishin 2 autorë!' Policia do të rimarrë në pyetje babain e shokut të Martinit: Djali tjetër ka pasur thikë më të vogël
24 Nëntor, 12:44 -
Vrasja e 14 vjeçarit, Flutura Açka: U harrua thelbi i familjes po endet drejt spektaklit! Urgjente hapja e shkollës së riedukimit
24 Nëntor, 12:22 -
Vrasja e Martinit, nesër Burgjet vendosin ku do transferohet 14 vjeçari i arrestuar
24 Nëntor, 10:58
-
Tiranë/ Organizonin baste dhe lojëra fati, vihen në pranga 6 persona
24 Nëntor, 09:55 -
'Ishin 2 autorë!' Vrasja e Martinit, flet babai i 14-vjeçarit të plagosur: Prindi i fëmijës bën mirë ta dorëzojë vetë! Djali im në intubim, ka 5 plagë në trup
24 Nëntor, 09:20 -
'Economic Times': Shqipëria mes vendeve ideale evropiane për të vizituar në 2025
24 Nëntor, 07:20 -
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42
