Veliaj: Shqiptarët në Kanada, urë lidhëse mes dy vendeve! Kryeministri i Ontarios: Vajza ime e martuar me shqiptar

Në vijim të vizitës së tij në Kanada, kryetari i Bashkisë së Tiranës, Erion Veliaj u takua edhe me kryeministrin e Ontarios me të cilin bisedoi për suksesin e komunitetit shqiptar atje.

Komuniteti shqiptar në Kanada dhe zhvillimi që kanë marrë, janë ambasadorët më të mirës mes dy vendeve, tha kryetari i Bashkisë së Tiranës, Erion Veliaj, gjatë një takimi me kryeministrin e Ontarios Doug Ford.

"Një komunitet i cili sot është mbi 50 mijë banorë, të cilët e kanë nisur nga zero dhe janë rritur këtu…dhe janë kthyer në histori suksesi. Sot ky komunitet është një urë e jashtëzakonshme për të bërë biznes, për të punuar në institucionet akademike. Për ta mbajtur Ontarion dhe Toronton një hapësirë të hapur për emigrantë të rinj, që nesër bëhen ndoshta ambasadorët më të mirë të dy vendeve tona”, tha Veliaj.

LEXO EDHE:
Protestat e Rithemelimit, Veliaj për Report Tv: Dogjën bashkinë, monument kulture! Ditët e ardhshme dorëzoj vetë dosjet në SPAK me informacione për të gjitha çështjet

Kryeministri i Ontarios tregoi se lidhja e tij me shqiptarët, shkon përtej detyrës dhe politikave mbështesë.

“Pra, edhe unë jam pjesë e familjes tashmë. Këtu kemi një komunitet të madh shqiptarësh, me njerëz punëtorë dhe inteligjentë, të cilët kontribuojnë çdo ditë në ekonomi. Jemi të hapur për marrëdhënie frytdhënëse për të ecur përpara, I dua shumë shqiptaret! Madje, vajza ime është martuar me një shqiptar”, tha Doug Ford, Kryeministër i Ontarios.

Kryeministri Ford dhe kryebashkiaku Veliaj u shprehën se do të punojnë për të forcuar më tej lidhjet mes Ontarios dhe Tiranës, për të ecur përpara.

M.T/r.k./Shqiptarja.com

TAG:
• doug ford
• Ontario
• kanada
• bashkia tirane
• erion veliaj