Ministri i Mirëqenies Sociale dhe Rinisë Erion Veliaj gjate seances plenare ne Kuvend Foto Albert Myftaraj
Tiranë, 26 Qershor /ATSH-Z.Tosku- Në seancën plenare të kuvendit, ditën e enjte  u diskutua mbi ndryshimet e ligjit për Arsimin Profesional në Republikën e Shqipërisë, në kalim të përgjegjësisë së Ministrisë së Mirëqënies Sociale dhe Rinisë.
Gjatë  fjalës së tij, Ministri i MMSR, Erion Veliaj foli për inkurajimin që u është bërë nxënësve nga sistemi për t'u diplomuar, ndërkohë që treg punë nuk ka.
"Jemi në një situatë ku vetëm 14% e studentëve tanë që shkojnë sot në Shkollë të Mesme, shkojnë në atë që quhet Arsim Professional, ndërkohë që dua tju kujtoj që fqinjët tanë duke flluar nga Maqedonia, Kosova, Serbia kanë rreth 60-70 % të nxënësve që dekurajohen të vazhdojnë universitetin", u shpreh Veliaj. Ndërkaq ai shtoi se dekurajimi për diplomat të cilat bëjnë që të ngelin më pas të papunë studentët vjen  si pasojë e mosedukimit me drejtimin e duhur që në shkollën tetë vjeçare.
"Shqipëria ka një problem të madh, sepse i kemi inkurajuar njerëzit të shkojnë në Universitet , ku lë të themi tregu për juristë nxjerr në vit 150 vëtë për tu punësuar, ndërkohë që prodhimi i diplomave të jurikdikut është mbi 3.000 vetë në vit. Kjo tregon qartësi që duhet të ndryshohet që në 8-vjecare  që të orientohen për Arsim dhe punësim, jo për karrierë akademike.".
Veliaj ka përmendur modelin e Sistemit të Gjermanis, Zvicrës dhë Austrisë, si një model i sukseshëm në Arsim, të cilët sipas tij, nuk njohin krizën ekonomike.  Ndërkaq, Veliaj sqaroi se "Për çdo gjë tjetër që ka të bëjë me Arsimin e Përgjithshëm , Ministrisë së Arsimit nuk i lëvizet asgjë. Për çështjet e Arsimit të Përgjithshëm ka të bëjë Ministria e Arsimit ndërsa për çështjet e Arsimit Profesional dhe praktikave, për të kopjuar një sistem që në mënyrë të sukseshme'. Ndërkaq deputeti socialist Ben Blushi ka shprehu kundërshtitë në kuvend si vendim të nxituar, ku sipas tij, Arsimi Profesional është në varësi të Ministrisë së Arsimit./a.g/