Drejtori i Përgjithshëm i Policisë së Shtetit Ardi Veliu, takim me përfaqësues nga Departamenti i Sigurisë së Brendshme dhe ai për Doganat dhe Sigurinë e Kufirit të SHBA-së dhe nga ambasada e SHBA-së në Tiranë.
Në ambientet e Drejtorisë së Përgjithshme të Policisë së Shtetit është zhvilluar një takim i rëndësishëm mbi Njësinë e Informacionit të Pasagjerit. Drejtori i Përgjithshëm i Policisë së Shtetit Ardi Veliu, drejtues të disa departamenteve në DPPSH dhe përfaqësues nga Ministria e Brendshme kanë pritur përfaqësuesit nga Ambasada Amerikane z. Patrick Shea dhe z. Tobei Arai oficer politik/ushtarak, si dhe përfaqësuesen nga zyra e EXBS, zj. Vilma Guri.
Në këtë takim, pjesëmarrësit kanë diskutuar mbi të ardhmen e Njësisë së Pasagjerit, hapat e mëtejshëm për sistemet e përdorura nga kjo e fundit në shërbim të sigurisë në përgjithësi e të sigurisë kombëtare në veçanti, si dhe mbi çështje të ndryshme që mund të kenë strukturat policore në kuadër të marrëveshjes ndërmjet dy qeverive të vendeve tona dhe vijimësinë e saj.
Në fokusin e takimit, krahas nënshkrimit të dy dokumenteve teknike përkatësisht “Marrëveshje për sigurinë e Ndërlidhjes ndërmjet MB të Republikës së Shqipërisë dhe Departamentit Amerikan për Sigurinë e Atdheut, Doganave dhe Mbrojtjes së Kufirit të SHBA” dhe “Marrëveshje për Sigurinë e Ndërlidhjes ndërmjet MB të Republikës së Shqipërisë dhe Departamentit Amerikan për Sigurinë e Atdheut, Doganave dhe Mbrojtjes së Kufirit të SHBA për Sistemin e Avancuar e Informacionit për Pasagjerët (APIS)/Sistemi i Automatizuar i Targetimit (ATS) dhe Sistemi i Automatizuar i Targetimit Global ATS-G), u fol gjithashtu për të ardhmen e Njësisë së re të Policisë Kriminale shqiptare të Informacionit të Pasagjerit.
Drejtori i Përgjithshëm, gjatë takimit, vlerësoi rolin e madh të Shteteve të Bashkuara për mbështetjen në ngritjen e Njësisë së Informacionit të Pasagjerit. Ai theksoi se është dashur jo pak punë për bazën ligjore që tashmë është e plotë dhe e përafruar me standardet më të fundit të BE-së dhe ato ndërkombëtare. Njësia tashmë ka selinë e saj në Drejtorinë e Përgjithshme të Policisë së Shtetit dhe me Urdhër të Ministrit të Brendshëm është përcaktuar struktura e saj në varësi të Departamentit të Policisë Kriminale.
Për palën amerikane, Koloneli Shea shprehu falënderimet e tij për bashkëpunimin dhe cilësoi punën e bërë deri tani me Policinë shqiptare, si më e mira ndër vendet me të cilat SHBA është duke implementuar të njëjtin projekt. Gjithashtu, z. Shea konfirmoi dëshirën e SHBA-së për të rritur kapacitetet e Njësisë së Informacionit të Pasagjerit, me trajnime dhe programe të përditësuara për shkak të rëndësisë që ajo ka në sfidat e reja me të cilat përballet bota. Ai vlerësoi përpjekjet e Policisë shqiptare për të patur një nivel të lartë të shkëmbimit të informacionit dhe konfirmoi edhe njëherë rrugën e drejtë të Shqipërisë, në bashkëpunim me partnerët e saj strategjikë.
Në këtë kuadër, Drejtori i Përgjithshëm i Policisë së Shtetit firmosi në fund të takimit, dy dokumentet teknike që përbëjnë bazën ligjore për përdorimin e sistemeve nga ana e Njësisë së Informacionit të Pasagjerit.
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22
