/ATSH/ Vëllezërit Coen, regjisorë të filmave "No country for Old Men", "Fargo" dhe "The big Lebowsi, do të jenë këtë vit në krye të jurisë së festivalit të filmit në Kanë.
Joel dhe Ethan Coen do të jenë drejtues të panelit të filmbërësve dhe aktorëve, të cilët do të gjykojnë konkurrentët në garën kryesore.

"Festivali i Kanës është festival me shumë rëndësi për ne, që nga fillimi i karrierës tonë. Të jemi presidentë në këtë juri është një nder i veçantë, pasi kurrë nuk kemi qenë në këtë pozitë", kanë thënë regjisorët Coen.

Edicioni i 68-të i Festivalit të Filmit në Kanë të Francës do të mbahet nga data 13 deri 24 maj 2015.