Vendet arabe 'stop' raporteve  
diplomatike me Katarin

Vendet arabe 'stop' raporteve  <br />diplomatike me Katarin
Arabia Saudite, Egjipti, Bahreini dhe Emiratet e Bashkuara Arabe kanë ndërprerë marrëdhëniet diplomatike me Katarin, duke e akuzuar për destabilizim të rajonit.

Sipas tyre Katari, mbështet grupet terroriste, përfshirë Shtetin Islamik.

Agjensia shtetërore saudite e lajmeve SPA thotë se Rijadi ka mbyllur kufijtë dhe kontaktet tokësore, detare e ajrore me Katarin, duke e izoluar gjerësisht.

Zyrtarët vendas citohen prej saj të pohojnë se një masë e tillë merret për mbrojtjen e sigurisë kombëtare nga rreziqet e terrorizmit dhe të ekstremizmit. Lëvizja e paprecedentë ka sjellë përçarjen më të fortë mes shteteve të fuqishme të Gjirit, të cilat janë dhe aleate të ngushta të Uashingtonit.

Mosmarrëveshjet vijnë dy javë pasi të njëjtat vende bllokuan sitet e lajmeve të Katarit, ku ishin shfaqur “online” kritikat e rrepta të emirit Al-Thani kundër Arabisë Saudite.  

Doha, kryeqyteti i Katarit reagon duke u shprehur se këto vende duan ta vendosin shtetin nën tutelën e tyre.Bahrain, Egjipti , Arabia Saudita dhe Emiratet publikuan vendimin e tyre për të ndërprerë mrrëdhëniet diplomatike me Katarin.

Një vendim i tillë do të ketë  efekte pasi Katari është një shtet i pasur me naftë dhe që në 2022 pret të zhvillojë Kampionatin Botëror të Futbollit.Bahrein akuzon Katar për nxitje të medias, mbështetje të aktiviteteve terroriste, dhe financim  për të mbrojtur kaosin .Edhe Jemeni ndërpret marrëdhniet me Katarin duke e akuzuar se mbështet grupet rebele krah Iranit.Katar është përjashtuar edhe nga koalicioni I cili po ndërhyn ushtarakisht në Yemen.

Nga ana tjetër sekretari amerikan i shtetit Tillerson u bëri thirrje shteteve arabe të ruajnë qetësinë në këtë betejë diplomatike
 
Redaksia Online
e.m/Shqiptarja.com

  • Sondazhi i ditës:

    A duhet miratuar rezoluta anti-korrupsion e propozuar nga PS?



×

Lajmi i fundit

Itali/ Bashkëshorti i eurodeputetes italiane gjendet i mbytur në Range Rover! Pista e boxheve  dhe letra që la për gruan nëse do t'i ndodhte diçka

Itali/ Bashkëshorti i eurodeputetes italiane gjendet i mbytur në Range Rover! Pista e boxheve dhe letra që la për gruan nëse do t'i ndodhte diçka