Presidenca ka bërë publik këtë të shtunë emrat e tetë garuesve për anëtarë të gjykatës së lartë. Në këtë gjykatë me largimin e Ardian Nunit dhe mbarimin e mandatit të Ardian Dvoranit janë në total 4 vënde vakante me dy të paplotësuara tashmë prej vitesh.

Ndër kandidaturat nuk mungojnë dhe ato nga rradhët e gjyqësorit apo jurispondencës por ende nuk dihet nëse këta emra do të marrin përlqimin e politikës. Për herë të para ata që garojnë këtë radhë i janë nënshtruar dhe ligjit për dekriminalizimin dhe kanë kaluar filtrin nëse kanë patur apo jo probleme me drejtësinë në të shkaurën e tyre.

Lista e subjekteve që kanë paraqitur kërkesën dhe dokumentacionin:
1.     Astrit Kalaja
2.     Arta Llazari
3.     Entela Prifti
4.     Elona Stavri
5.     Ilir Panda
6.     Luan Hasneziri
7.     Sokol Hasani
8.     Sokol Ngresi

Presidenti i Republikës, në zbatim të ligjit  Nr. 8588, datë 15.3.2000 “Për organizimin dhe funksionimin e Gjykatës së Lartë të Republikës së Shqipërisë”, i ndryshuar, pas realizimit të procesit të njoftimit publik të datës 14 prill 2016 për fillimin e procedurave të plotësimit të një vendi vakant në Gjykatën e Lartë, publikon listën e subjekteve të interesuara që kanë paraqitur kërkesën dhe dokumentacionin për t’u përzgjedhur si anëtar të Gjykatës së Lartë.   

Redaksia online
(s.m/shqiptarja.com)