Qeveria, këtë të mërkurë miratoi ndryshimet në ligjin e haruar rreth një vit më parë, “Për deklarimin e detyrueshëm të deklaratave tatimore dhe të dokumenteve të tjera tatimore, vetëm nëpërmjet formës elektronike.”
Sipas këtij vendimi, deklarimi i detyrueshëm në organet tatimore, do të bëhet vetëm nëpërmjet formës elektronike. E njëjta gjë vlen edhe për të dhënat e dokumentit të listëpagesave e kontributeveve të sigurimeve shoqërore e shëndetësore dhe tatimit mbi të ardhurat nga punësimi, si dhe i të dhënave për ndryshimin e numrit të punonjësve, nga ana e të gjithë tatimpaguesve.
Sipas hartuesve të këtyre masave të miratuara nga qeverua, realizimi i deklarimit elektronik e tyre është një masë e rëndësishme që do të ndikojë në rritjen e efektivitetit të administratës për minimizimin e evazionit në tregun e punës, saktësisë dhe lehtësimit të shkëmbimit midis institucioneve të të dhënave për kontributet e paguara nga subjektet dhe për punonjësit e tyre, me qëllim evidentimin e saktë dhe krijimin e historikut të kontributeve për çdo kontributpagues mbi bazën e të cilit ata do të marrin përfitimet përkatëse nga skema e sigurimeve shoqërore e shëndetësore.
![](https://www.shqiptarja.com/template/img/sh_logo1.png)