TIRANE- Këshilli i Ministrave ka miratuar dje në mbledhje procedurat për privatizimin me ankand të paketave shtetërore të aksioneve të shoqërive tregtare, që veprojnë në sektorët jostrategjikë. Këtij vendimi i nënshtrohen të gjitha shoqëritë tregtare me kapital tërësisht apo pjesërisht shtetëror, që veprojnë në sektorët jostrategjikë, te të cilat do shiten paketat shtetërore të aksioneve. Përfitues të procedurës së privatizimit sipas këtij vendimi janë edhe punonjësit e shoqërive apo edhe pronarët e truallit, që do duhet të zbatojnë procedurën për t’u bërë aksionarë.