POP 5

Lajmet më të lexuara të 5 minutave të fundit

Sociale

Vendimi/ Ricertifikimi, data kur
do të testohen 656 mjekët e rinj

Janë 656 mjekë të cilët nuk kanë plotësuar numrin e krediteve të kërkuara, të cilët do të kalojnë në provimin ricertifikimi.
Vendimi/ Ricertifikimi, data kur<br />do të testohen 656 mjekët e rinj
TIRANE- Janë 656 mjekë të cilët nuk kanë plotësuar numrin e krediteve të kërkuara, të cilët do të kalojnë në provimin ricertifikimi. Ky provim do të zhvillohet në datën 21 dhjetor, sipas një vendimi që ka marrë Qendra Kombëtare për Edukimin në Vazhdim. Provimi do të zhvillohet tek Fakulteti i Mjekësisë, ku secili kandidatë duhet të paguajë 10 mijë lekë të reja.

“Ditën e hënë, më datë 21 dhjetor 2015, ora 9.00 në Fakultetin e Mjekësisë zhvillohet Provimi i Certifikimit për Mjekët sipas Specialiteteve përkatëse Pjesëmarrësit në provim duhet të jenë të pajisur me dokument identiteti si dhe me një fotokopje të saj. Të kenë faturën e pagesës prej 10 mijë për provimin e certifikimit dhe të paraqiten së paku 30 minuta përpara fillimit të provimit”, - thuhet në një njoftim të Qendrës Kombëtare për Edukimin në Vazhdim.

Mjekët do testohen në fushat si: Obstetrike Gjinekologji, Dermatologji, Nefrologji, Psikiatri, Kirurgji e pergjithshme, Imazheri, Sëmundjet Infektive. Endokrinologji, Pneumologji, Ortopedi. Mjeku Familjes, Kardiologji, Pediatri, Mjekësi Urgjence, Anestezi Reanimacion dhe Hematologji. Në total janë 656 mjekë që do testohen, duke filluar nga mjekët e familjes, kirurg, kardiolog dhe deri tek mjekët e përgjithshëm.

Provimi
Provimi i certifikimit cilësohet i kryer me sukses nëse profesionisti ka marrë të paktën 50% të pikëve maksimale.  Vlerësimi i pjesëmarrësve kryhet në mënyrë automatike nga sistemi kompjuterik në momentin e përfundimit të provimit. Rezultati përfundimtar i shfaqet pjesëmarrësit në monitor dhe printohet në mënyrë automatike nga sistemi së bashku me përgjigjet e dhëna. Çdo pjesëmarrës firmos fletën me rezultatet e provimit të printuar në përfundim të provimit përkatës.

Profesionisti pjesëmarrës në provim ka të drejtë të përsërisë provimin e certifikimit në një kohë të dytë jo më shumë se 5 herë. Nëse një profesionist nuk paraqitet në provim ose tërhiqet përpara fillimit të tij, atëherë provimi nuk vlerësohet si i kryer. Tërheqja nga provimi i certifikimit nuk mund të kryhet pas hyrjes në sallën e provimit. Provimi i certifikimit zgjat 60 minuta dhe zhvillohet në një raund të vetëm.

tabelat e mjekeve
 
Mjekët e rinj
Ndërkohë Urdhri i Mjekut ka publikuar listën e kandidatëve të cilët do të marrin pjesë në provimin e shtetit në muajin dhjetor. Këta kandidatë janë të ndarë nga mjekët që japin provimin e ricertifikimit. Janë 40 mjekë të rinj të cilët do japin provimin e  shtetit në dhjetor, për të marrë licencën e cila u jep mundësi të ushtrojnë profesionin.

 

Shkrimi u botua në Shqiptarja.com (print) në 8 Dhjetor 2015

Redaksia Online
(d.a/shqiptarja.com)  

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

I vodhën me dhunë portofolin 66-vjeçarit,arrestohen 2 të miturit në Vlorë

I vodhën me dhunë portofolin 66-vjeçarit,arrestohen 2 të miturit në Vlorë

22 Dhjetor, 11:59