Vendoret, LSI: Tre kandidate gra për Prrenjasin, Gjirokastrën, Pogradecin
Lëvizja Socialiste për Integrim ka përzgjedhur tre kandidatura për zgjedhjet lokale të 21 qershorit. Në bazë të marrëveshjes me Partinë Socialiste, ku LSI kishte të drejtë të propozonte emrat e 15 kandidatëve. VIDEO PD kandidon në Bajram Curri Besnik Dushajn
TIRANE - Lëvizja Socialiste për Integrim ka përzgjedhur tre kandidatura për zgjedhjet lokale të 21 qershorit. Në bazë të marrëveshjes me Partinë Socialiste, ku LSI kishte të drejtë të propozonte emrat e 15 kandidatëve.
Lëvizja Socialiste për Integrim ka zyrtarizuar emrat e tre kandidateve gra për garën zgjedhore të 21 qershorit. Kryetarja e Lëvizjes së Gruas për Integrim Klajda Gjosha nga selia e LSI bëri publike tre kandidatet për Gjirokastrën, Pogradecin e Përrenjasin, përkatësisht kandidatet Zamira Rami, Diana Mile dhe Miranda Rira.
Në bazë të marrëveshjes elektorale me Partinë Socialiste Lëvizja Socialiste për Integrim ka të drejtën të propozojë në koalicion 15 kandidatë për kryetar bashkie nga 61 që janë gjithsej.
LSI do të propozojë kandidatët e saj në Berat, Lezhë, Gjirokastër, Kukës, Delvinë, Pogradec, Kuçovë, Skrapar, Vorë, Cërrik, Përrenjas, Selenicë, Mallakastër, Kolonjë dhe Bulqizë.
Burime për A1 Report konfirmuan një ditë më parë pikërisht emrat e tre kandidateve te zyrtarizuara sot nga ministrja e Integrimit.