Vendosën çadra dhe shezlongë pa leje në plazhin e Durrësit, procedohen penalish 2 persona

Foto ilustruese

Teksa kontrollet për konstatimin dhe zënien e hapësirave publike vazhdojnë, policia e Durrësit ka proceduar penalisht 2 persona, pasi kishin vendosur çadra pa leje në bregdet.

Në procedim janë vënë 52-vjeçari Dh. D dhe 51-vjeçari V.P, të cilët në plazhin e "Porto Romanos", u konstatua se kishin zënë hapësirën publike me shezlongë dhe çadra të vendosura pa lejen përkatëse.

Njoftimi i Policisë: 

Vijojnë kontrrollet nga Policia e Durrësit për konstatimin e zënies së hapësirës publike

Procedohen penalisht 2 shtetas, pasi kishin zënë hapsirën publike me shezlongë dhe çadra të vendosura pa lejen përkatëse.

Specialistët për Hetimin e Krimeve  në Komisariatin e Policisë Durrës, në vijim të punës për parandalimin, evidentimin dhe ndëshkimin e atyre shtetasve që zaptojnë hapsirën publike duke vendosur shezlongë në mënyrë të paligjshme, proceduan penalisht shtetasit:

Dh. D., 52 vjeçe dhe V. P., 51 vjeç, banues në Durrës.

Gjatë kontrolleve të ushtruara nga shërbimet e Policisë në plazhin e "Porto Romanos", u konstatua se këta shtetas kishin zënë hapsirën publike me shezlongë dhe çadra të vendosura pa lejen përkatëse.

Policia e Durrësit është e vendosur në parandalimin e krimeve mjedisore dhe kërkon mirëkuptimin e qytetarëve të mos kryejnë asnjë veprim pa lejen e organeve kompetente. Gjithashtu fton qytetet të denoncojnë çdo rast të paligjshmërisë në Komisariatin Dixhital apo në numrin pa pagesë 112 duke u siguruar reagim të shpejtë e të paanshëm, kundrejt atyre që shkelin ligjin.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rishfaqen nostalgjikët e diktatorit, a duhet bërë dekomunistizimi i shoqërisë shqiptare?



×

Lajmi i fundit

John

Rep-pop/ Muzikë, sfida dhe kërcim! Çfarë kanë postuar Vip-at në Tik Tok? (video)