Venecia/ Trafik droge në linjën Itali-Spanjë-Gjermani, çmontohet organizata italo-shqiptare me 14 anëtarë! Klientët që s’paguanin borxhin i lyenin me alkool dhe i kërcënonin me zjarrvënie

Venecia/ Trafik droge në linjën Itali-Spanjë-Gjermani, çmontohet organizata italo-shqiptare me 14 anëtarë! Klientët që s’paguanin borxhin i lyenin me alkool dhe i kërcënonin me zjarrvënie

Moment nga operacioni në Itali

Itali- Një rrjet i mirëorganizuar italo-shqiptar i trafikut të drogës është goditur në Venecia, me 14 të arrestuar. Mes tyre 6 italianë dhe 8 shqiptarë.

Masat e nxjerra nga Prokuroria ishin të përqendruara midis provincave të Venedikut dhe Padovës dhe përfshinin mes policisë vendase të disa njësive operacionale edhe Policinë e Shtetit në Shqipëri, Gjermani dhe Spanjë.

Të dyshuarit akuzohen për posedim dhe shitje të drogës dhe zhvatje.

Hetimi nisi nga karabinierët fillimisht dhe u zhvillua midis nëntorit 2022 dhe dhjetorit 2023, ku zbuloi bazën operative të grupit të trafikantëve në Mira (Venecia) dhe konstatoi aktivitetin e trafikut të drogës midis zonave Treviso, Padova dhe Venecia. 

Më tej edhe disa episode të zhvatjeve nga organizata kriminale, ndaj narkomanëve që nuk kishin paguar detyrimet dhe ishin borxhlinj. Njërin prej tyre, episod i faktuar me prova si[pas hetuesve, e detyruan që të paguante 5 mijë euro, teksa më herët e kishin spërkatur me alkool dhe e kërcënonin se do i vinin flakën nëse nuk paguante, informon agjencia ANSA.

Banda siguronte një shitje javore të kokainës me vlerë 150 mijë euro (100 euro për gram), drogë e shitur nga korrierët dhe e grumbulluar nga bashkëpunëtorët në magazina dhe shtëpi. Qarkullimi i llogaritur ishte mbi 700 mijë euro në muaj.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 1 Prill, 10:16

    A e keni vendosur se për kë do të votoni më 11 maj?



×

Lajmi i fundit

Përleshje, goditje me thikë, pastaj një javë inskenim! Misteri mbi rolin e prindërve të 23-vjeçarit që kreu vrasjen

Përleshje, goditje me thikë, pastaj një javë inskenim! Misteri mbi rolin e prindërve të 23-vjeçarit që kreu vrasjen