POP 5

Lajmet më të lexuara të 5 minutave të fundit

Politikë

Verë pa pushime? Pas ‘drejtuesve’, Basha zbret në struktura, në selinë e PD po përgatitet zyra e përkohshme e kryetarit

Në ditën e dytë të marrjes së kreut të PD, Lulzim Basha nisi takimet informale me strukturat për të diskutuar riformatimin e partisë, tashmë të shkëputur krejtësisht nga mbështetësit e Berishës. Ndërkohë që menjëherë ka nisur nga projektimi i ekipit të ri të ngushtë, duke emëruar si zëdhënëse të partisë Mirela Karabinën.

Dita e dytë si kryetar i PD nuk e gjeti Lulzim Bashën në zyrë. Ai nisi takimet për ristrukturimin e partisë në terren.

Një ditë pasi mblodhi strukturat drejtuese në Tiranë, Kryesinë dhe Kolegjin e Kryetarëve, Lulzim Basha la zyrën e përkohshme që po i përgatitet në selinë e re të Partisë Demokratike, dhe tashmë që i duhet të mendojë për PD-në e riformatuar, zbriti tek strukturat në takime informale.

Aty Basha pritet të kalojë edhe gushtin e nxehtë, përpara se t’i mbledhë demokratët më 2 shtator sërish në Tiranë, kur edhe do të mbajë Kuvendin Kombëtar. 

Me një parti të krasitur nga berishistët, me rikthimin e tij Lulzim Basha duhet të ri-freskojë edhe ekipin drejtues, pasi shumë prej atyre që la pas kur u dorëhoq e braktisën dhe nuk e njohin rikthimin e tij në krye të PD, duke krijuar një front të ri kundërshtarësh, sic është ish krahu i tij i djathtë Gazment Bardhi dhe nënkryetarja Jorida Tabaku.

Sinjalin se po mendon për ekipin “Basha 4”, ai e dha menjëherë pas zyrtarizimit kryetar, duke zgjedhur zëdhënësen e re të Partisë, Mirela Karabinën. Duket që këtë jave Andia Ulliri ka zgjedhur të jetë krah Bashës ndryshe nga mbledhja e 19 qershorit ku bashkë me 16 deputetë të tjerë firmosi për të bojkotuar garën për kreun e PD-së.

Ndërsa me Sali Berishën, luftën do ta vijojë aty ku e la, në gjykatën e Tiranës, përsa kohë ngërçi është rikthyer në shkallë të parë, dhe nuk është zgjidhur ende përfundimisht.

Nga ana tjetër, Berisha vijon t’i mbajë peng selinë, ku zhvillon aktivitetin e tij politik që prej kohës kur Basha iku nga drejtimi i PD, në marsin e vitit 2022.

Sali Berisha mbledh të martën Kryesinë e tij, ku me gjasë do të diskutohet për të mbledhur një tjetër Kuvend demokratësh në shtator.

Rendit zhvillimet sipas orarit:
Ora 20:16
Lulzim Basha takim me drejtuesit politikë të qarkut të Durrësit: Do t’u japim shqiptarëve një alternativë

Kryedemokrati Lulzim Basha ka zhvilluar një takim me drejtues politikë të qarkut të Durrësit. Lajmin e ka bërë të ditur vetë Basha, përmes një postimi në Facebook, ku tha se ka nisur puna për riorganizimin e PD-së. Ai shtoi se modernizimi, hapja dhe përfshirja e sa më shumë të rinjve dhe të rejave, është prioritet e tij dhe drejtuesve të PD-së, për t’i dhënë shqiptarëve një alternativë.

"Me drejtuesit politikë të Qarkut të Durrësit nisëm punën për riorganizimin e Partisë Demokratike. Modernizimi, hapja, përfshirja e sa më shumë të rinjve dhe të rejave, e intelektualëve dhe specialistëve të ndershëm, janë prioriteti ynë për t’u dhënë shqiptarëve një alternativë që reflekton ambiciet e tyre për një ndryshim të vërtetë", shkruan ai.

SI.E./Shqiptarja.com

S.G/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sifi: 01/08/2023 08:48

    Basha me bluze si Zhelenski qe nuk e heq prej nje kohe te gjate! Humor i zakonshem shqiptar

    Përgjigju
  • Scutari: 01/08/2023 04:26

    Luli gjithë këtë kohë nuk e paska shkuar kohën kot, paska bërë palestër.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

26 Dhjetor, 08:46