Vetëm 12 ditë në qeli, Gjykata nxjerr nga burgu Helidon Gjikokën e pronave në Dhërmi

Vetëm 12 ditë në qeli, Gjykata nxjerr nga burgu Helidon Gjikokën e pronave në Dhërmi

Helidon Gjikoka dhe kompleksi 'Ambel Beach'

Vetëm 12 ditë, pasi u arrestua nga efektivët e Krimit-Ekonomik të policisë së Vlorës, biznesmeni Helidon Gjikoka, i akuzuar për tjetërsimin e pronave në bregdetin e Dhërmiut, është liruar nga qelia.

Vendimi për zbutjen e masës së sigurisë nga “Arrest në burg” në “Arrest shtëpie”, u mor në 24 Mars nga gjyqtari i Apelit Vlorë, Engert Pëllumbi, i cili 1 muaj më parë dënoi me 3.4 vite burgim ish-ministrin e Brendshëm Saimir Tahiri.

Gjatë seancës gjyqësore, Gjikoka dhe avokati i tij, Irakli Koço, pretenduan se biznesmeni ishte dorëzuar në ambjentet e komisariatit të Vlorës dhe se kërkonin lirimin nga qelia pasi ai nuk kishte rrezik largimi. Por prokurorja e çështjes, Elida Hoxha, e vuri theksin në një dokument të nxjerë nga sistemi TIMS, ku sipas saj personi i pandehur Helidon Gjikoka është arrestua nga policia dhe jo vetëdorëzuar.

Prej 1 viti fshihej në Angli, kapet në Vlorë Helidon Gjikoka, kërkohej për tjetërsimin e pronave

Sipas dokumentit të TIMS që prokurorja i dorëzoi gjykatës, Helidon Gjikoka, rezulton se ka qënë në ndjekje penale edhe për vepra të tjera penale.

“…në sistemin TIMS, janë të gjitha Hyrje-Daljet e këtij të pandehuri dhe nuk rezulton se personi është vetëdorëzuar vetë në komisariatin e Policisë…”-u shpreh para gjykatës prokurorja, Elida Hoxhaj.

Nisur nga këto arsye dhe fakte, përfaqësuesja e akuzës i kërkoi gjykatës që të vijonte të mbante të mbyllur në burg, biznesmenin Helidon Gjikoka.

Por ky i fundit ka reaguar duke pohuar se, nuk ka pasur asnjëherë qëllim që ti fshihet drejtësisë. Sipas Gjikokës ai është në një presion të paparë aty ku e kanë izoluar dhe se në asnjë moment nuk i është fshehur drejtësisë. Për më tepër Gjikoka, ka pretenduar se lajmin për shpalljen në kërkim të tij, e ka marrë nga mediat online.

Pasi ka dëgjuar të gjitha pretendimet, gjyqtari Engert Pëllumbi, vendosi të ndryshojë masën e sigurisë nga arrest në burg në arrest shtëpie për, Helidon Gjikokën.

Ky i fundit është marë i pandehur nga prokuroria e Vlorës për akuzën e “falsifikimit të dokumenteve”, duke arritur të tjetërsojë një sipërfaqe toke prej 1430 M2 në bregdetin e Dhërmiut.

Mbi këtë sipërfaqe të përfituar me dokumente të falsifikuara, Gjikoka ka ndërtuar disa kabina druri, duke krijuar kompleksin turistik, “Ambel Beach”./Oranews

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arjan: 27/03/2022 13:50

    Po ik o se ky eshte super djal un jam rritur me kte kot e ngaterojn keta

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lezhë, shoferi del nga makina e grushton kalimtarin,se i kërkoi të priste të kalonte rrugën

Lezhë, shoferi del nga makina e grushton kalimtarin,se i kërkoi të priste të kalonte rrugën