Durrës - Ambientet e komisariatit të Policisë së Durrësit janë kthyer në skenë krimi. Specialisti i Policisë Kriminale, Arben Pjeçi, 56 vjeç, me gradë nënkomisar, është gjetur i vetëvrarë rreth orës 16:15, (25 janar 2024) në ambientet e zyrës së punës, në Komisariatin e Policisë Durrës.
Drejtoria e Durrësit u vu në kërkim të Arben Pjeçit pasi familjarët denoncuan zhdukjen e tij dhe humbjen e kontakteve. Report TV mëson se nga kqyrja e kufomës, polici mund të ketë qëlluar veten rreth orës 11:00 ndërsa krismat nuk janë dëgjuar nga kolegët në zyrat ngjitur pasi sipas ekspertëve shkrepja ka qenë e puthitur në trup. Për 6 orë ka qëndruar i pajetë Arben Pjeçi në zyrën e tij brenda Drejtorisë Rajonale të Durrësit.
Sipas të dhënave zyrtare efektivi ka qëlluar veten me armën e shërbimit në gjendje të rënduar psikologjike pasi ishte njoftuar me vendimin për ta larguar përfundimisht nga radhët e policisë. Lirimi nga detyra ishte firmosur nga kryepolici Muhamet Rrumbullaku pas një vendimi të formës së prerë të gjykatës së Durrësit që e dënoi efektivin 56 vjeçar me punë në komunitet për plagosje të lehtë pas një sherri me komshiun dy vjet më parë.
Babai i dy fëmijëve është vetëvrarë me një plumb në zemër, duke mos pranuar faktin se do largohej nga detyra pas 34 vitesh në radhët e policisë së shtetit. 56 vjeçari një efektiv karriere me arsimin në shkollën e policisë të Ministrisë së Brendshme, dhe për vite në shërbim të kufirit ishte emëruar së fundmi në drejtorinë e Durrësit.
*Raportuan për Shqiptarja.com gazetarët Artur korriku dhe Aldo Mustafa
Efektivi i Durrrësit Arben Pjeci që i dha fund jetës në komisariat është përjashtuar nga policia e shtetit me firmë të drejtorit të përgjithshëm të policisë Muhamet Rrumbullaku pas vendimit të formës së prerë nga Gjykata për plagosje të lehtë me dashje. Gazetari i Report tv Sokol Dema raporton se ai kishte mundësi ta ankimonte përjashtimin nga policia te Standradet Profesionale në DPPSH brenda 10 ditësh, por nuk e ka shfrytëzuar për ta bërë.
Arben Pjeçi oficeri i policisë së Durrësit e ka qëlluar veten me armën e shërbimit në zemër në orën 11:00 të paradites. Duke qenë se krisma nuk është dëgjuar për shkak se e ka puthitur armën në gjoks dhe ka qëlluar veten, 56 vjeçari ka qëndruar rreth 6 orë në zyrë derisa kolegët e tij hapën derën e zyrës me forcë.
Specialisti i Policisë Kriminale, Arben Pjeçi i vetëvrarë në ambientet e policisë së Durrësit është dënuar nga Gjykata për plagosje të lehtë me dashje lidhur me një sherr në vitin 2022 me komshiun e tij Kujtim Huqi, ish shofer në polici. Për shkak se Pjeçit i pikonte ballkoni në tendën e Huqit, të dy janë zënë me grushta e shkelma.
Denoncimin në polici e ka bërë komshiu i tij, por efektivi i ndjerë ka deklaruar se vetëm e ka shtyrë Huqin por nuk e ka goditur. Megjithatë Gjykata i ka konsideruar fajtorë të dy për plagosje të lehtë. Por dënimi me vendim të formës së prerë nga Gjykata e Shkallës së Parë e Juridiksionit të Përgjithshëm Durrës, solli pezullimin e Pjeçi nga detyra dhe më pas vetëvrasjen e oficerit në kushtet e depresionit.
Foto:Arben Pjeçi
Ky është Arben Pjeçi Specialisti i Policisë Kriminale në Komisariatin e Policisë Durrës, me gradë nënkomisar, që i ka dhënë fund jetës në zyrën e tij me armë e shërbimit. Për një kohë të gjatë ai ka shërbyer si oficer kufiri por më pas ishte transferuar në sektorin e krimeve. Pas 34-vitesh në radhët e policisë së shtetit, efektivi i policisë nuk e ka përballuar mirë vendimin që sillte ndërprerjen e marrëdhënies së punës, duke u vetëvrarë. Ai ishte baba i dy fëmijëve.
Specialist i Policisë Kriminale Arben Pjeçi me detyrë nënkomisar që i dha fund jetës ditë sotme në zyrën e tij ishte dënuar me vendim të formës së prerë nga Gjykata e Shkallës së Parë e Juridiksionit të Përgjithshëm Durrës, për kundravajtjen penale “Plagosje e lehtë”, në bazë të nenit 89 të Kodit Penal. Vendimi ishte konvertuar në 40 orë pune në komunitet. Prej ditësh ai ishte në gjendje të rënduar psikologjike për shkak se ky vendim sillte dhe pezullimin e tij nga detyra.
Foto: Arben Pjeçi dhe komisariati i policisë së Durrësit
Policia e Durrësit jep informacion lidhur me ngjarjen e rëndë ku oficeri I policisë Arben Pjeçi është gjetur i vetëvrarë me armën e shërbimit në ambientet e Komisariatit të Policisë Durrës
Njoftimi i policise se Durrresit
Sot, më datë 25.01.2024, nga ana e familjarëve të oficerit të Policisë Arben Pjeçi, është njoftuar Komisariati i Policisë Durrës, për humbjen e kontakteve me familjarin e tyre, i cili aktualisht është në detyrë specialist i Policisë Kriminale në këtë komisariat.
Nga Komisariati i Policisë Durrës filluan veprimet për kërkimin dhe gjetjen e specialistit.
Për njoftimin e bërë nga familjarët është marrë kallëzim, është njoftuar prokurori i gatshëm, janë kryer një sërë veprimesh procedurale, si dhe janë vënë në kontroll numrat telefonikë, me qëllim lokalizimin e vendndodhjes së këtij shtetasi.
Në kuadër të të gjitha veprimeve operacionale dhe procedurale për kërkimin e tij, rreth orës 16:15, në ambientet e Komisariatit të Policisë Durrës është hapur me forcë zyra e oficerit Policisë Gjyqësore, Arben Pjeçi, i cili është gjetur i vetëvrarë, me armën e shërbimit.
Punonjësi i Policisë Arben Pjeçi është dënuar me vendim të formës së prerë nga Gjykata e Shkallës së Parë e Juridiksionit të Përgjithshëm Durrës, për kundravajtjen penale “Plagosje e lehtë”, në bazë të nenit 89 të Kodit Penal.
Vendimi i Gjykatës i formës së prerë ka filluar të ekzekutohet nga strukturat përgjegjëse të Shërbimit të Provës dhe Policisë së Shtetit.
Punonjësi i Policisë, në kushtet e depresionit për penalitetet që sjell vendimi i dënimit të formës së prerë që e kushtëzonte në të ardhmen me ndërprerjen e marrëdhënies së punës me Policinë e Shtetit, është vetëvrarë me armën e shërbimit në ambientet e zyrës së punës, në Komisariatin e Policisë Durrës.
Për këtë ngjarje është krijuar një grup i posaçëm hetimor, në drejtimin e Prokurorisë së Durrësit dhe oficerëve të Policisë Gjyqësore të Prokurorisë.Për këtë ngjarje është njoftuar dhe Agjencia e Mbikëqyrjes Policore.
Komente
Lajme të tjera
-
Krujë/ U denoncua i zhdukur nga familjarët, gjendet pas 23 ditësh pa jetë 57-vjeçari Edmond Veseli
22 Dhjetor, 16:08
-
Proda takohet me drejtuesit e rinj të komisariateve dhe u lë porosi: Angazhim maksimal për parandalimin e krimit dhe zbatim i ligjit!
21 Dhjetor, 15:11 -
Trafiku në Tiranë, eksperti: Problem menaxhimi i rrugëve! Propozimet për zgjidhje, parkime jashtë Unazës së Vogël e sinjalistikë e përkohshme
21 Dhjetor, 12:30 -
Nata e ndërrimit të viteve në Durrës, bullgarët e polakët kryesojnë rezervimet në hotele! Operatori turistik: Çmimet u rritën me 10%
21 Dhjetor, 11:37
-
Dy aksidente me vdekje në Durrës e Librazhd, dy të rinjtë humbin jetën pas përplasjeve me kamionët (VIDEO)
21 Dhjetor, 07:09 -
Vranë babanë dhe e groposën në kasolle, Prokuroria e Durrësit mbyll hetimet dhe dërgon për gjykim dosjen për 3 fëmijët
20 Dhjetor, 15:42
-
Emigrantët kthehen në shtëpi për festa, nisin lundrimet e dyfishta të trageteve! Kapiteni i Portit të Durrësit: Rreth 6 mijë pasagjerë çdo ditë, 10 % më shumë se vjet
19 Dhjetor, 14:17
-
Policia e Durrësit ekzekuton vendimin për konfiskimin e 4 pasurive të 'Zotit të drogës' Alket Hatija! Dy apartamente, një truall e një garazh, Italia e dënoi me 20 vjet burg për drogë
18 Dhjetor, 12:08 -
Kryepolici Proda emëron 48 shefat e Komisariateve në 12 drejtoritë e qarqeve, asnjë grua! Lista me EMRAT dhe qytetet
18 Dhjetor, 08:51
-
Media gjermane pranon se artikujt për Portin e Durrësit ishin të gabuara dhe i tërheq mbrapsht
17 Dhjetor, 21:04 -
Durrës/ Rekrutonin vajza aziatike për prostitucion në Shqipëri, goditet grupi kriminal kinez! Një i arrestuar, 2 në kërkim dhe 7 vajza nën hetim (EMRAT+DETAJET)
17 Dhjetor, 10:40 -
'Rritje e pensioneve, nisur nga më të ultat', ministri Hoxha me ish-punonjës të policisë: Mbështetje për familjet e dëshmorëve
16 Dhjetor, 17:52
Ngjarje e trishtuar! A duhet te perjashtohet polici pse u perlesh me komshiun per nje ballkon qe pikon,aq me teper qe denimi i eshte konvertuar vetem ne 40 ore sherbim?! Mendoj qe Rrumbullaku e teproi ne kete rast.I ndjeri ishte polic,por ishte dhe njeri dhe nuk ka njeri apo polic qe te kete lindur me nerva hekuri,ndoshta perjashtim ben Rrumbullaku qe firmos /me perjashtim/ nje konvertim 40 oresh sherbim prove me /gjakftohtesine/ e nje roboti!!
PërgjigjuOPGJ-te jane fillimi i korrupsionit qe tallen me njerezit e thjeshte te Shqiperise. Njerez pa shtylle kurrizore qe kane shkaterruar njerez dhe familje, per menyren se si veprojne per te zhvatur para.
PërgjigjuI ndjeri po paragjykohet në njoftimin e policisë ose duhet të pranojnë se ata e paskan ditur gjendjen e tij dhe nuk kanë bërë përpjekjet e duhura për t'i ardhur në ndihmë dhe shmangur pasojat.
PërgjigjuKU ESHTE TAO LANTI.... 6 ORE I VDEKUR NE ZYRE E ASNJE NUK DIGJON, ASNJE NUK SHEF GJE, ASKUSH NUK FLET, PER 6 ORE ME RADHE..... TAO JEP DORHEQJEN SE ESHTE SKANDAL PER M.BRENCME.... IU PREFT SHPIRTI NE PARAJS.
PërgjigjuSi u pezulloka nje oficer me 34 vjet pune per nje sherr mes komshinjsh ? I keni shkaterruar jeten o plera. Drejtesi te paaftesh, dhe drejtues te paafte. Injorante.
PërgjigjuSi perfshihet ne sherr ordiner nje oficer policie me kariere kaq te gjate?OPGJ KA KRYER VETEGJTQESI? Opgj jane fillimi i korupsionit ne sistemin e drejtesise. Ka shkateruar jete njerezish jo te perfshire ne krim pafund.Kaq i dobet psikologjikisht dhe ne ate pozicion dhe per me teper me arme. Kane sherbime psikologike keta oficere policie apo jo?
Ai gjyqtari qe e ka denu i ka shkatrru jeten duhet var per se gjalli plera! Nuk denojne kriminelet por denojne oficerit e zbatimit te ligjit Kjo eshte e tmerrshme.
PërgjigjuKret si puna kti shkoshin..kto Gjakpirsa
Bravo Bimi! Polici ka qene njeri i dobet dhe kete e ka treguar me kete qe ka bere sot. Shqiperise nuk i duhen keto njerez. Ne na duhen njerez te forte qe durojne shume dhe japin gjithcka per shtetin shqiptar dhe drejtuesit e tij, pa asnje medyshje.
Oficer Policie qe perfshihet ne sherr me grushta me komshiun? Duhet denuar dy here me shume se nje qytetar i thjeshte. Nuk eshte faji i gjyqtarit por gjendjes te riu jo te qendrushme emocionale.