Firmoset Marrëveshja e Bashkëpunimit mes Agjencisë së Mbikëqyrjes Policore dhe Institutit të Mjekësisë Ligjore në funksion të procesit të Vettingut.
Drejtori i Përgjithshëm i Agjencisë së Mbikëqyrjes Policore, Ardi Veliu dhe Drejtori i Institutit të Mjekësisë Ligjore, Bledar Xhemali firmosën sot Marrëveshjen e Bashkëpunimit në kuadër të përmbushjes së detyrimeve ligjore që janë parashikuar në ligjin nr 12/2018 “Për Vlerësimin Kalimtar dhe Periodik”.
Objekt i kësaj marrëveshjeje është bashkëpunimi ndërmjet Agjencisë së Mbikëqyrjes Policore dhe Institutit të Mjekësisë Ligjore për kryerjen e ekzaminimit toksikologjik në mostrat biologjike për përcaktimin e lëndëve narkotike, apo psikotrope nga Instituti i Mjekësisë Ligjore.
![](https://shqiptarja.com/template/img/NO_ALFA_Kuadrate shqiptarja.png)
Njëkohësisht, procesi i vetingut është duke vijuar normalisht në të treja shtyllat e vlerësimit për subjektet e përcaktuara pas hedhjes së shorteve. Në polici vettingu realizohet vetëm për nivelet drejtuese dhe për gradat e larta, pas tërheqjes së qeverisë për realizimin e procesit edhe për efektivët e thjeshtë. Ndryshimet e ligjit kanë shfuqizuar Komisionin e Jashtëm të Vlerësimit dhe Komisionin Vendor të Vlerësimit, ndërsa procesin e vetting-ut për drejtuesit e policisë do e realizojë Agjencia e Mbikëqyrjes policore.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Në Shqipëri gjithçka dhe gjithkush blihet! Nuk ka më asnjë institucion të besueshëm ....
Përgjigju