Qesharake dhe për të tërhequr vëmendjen i ka cilësuar avokati kujtim Cakrani ndryshimet kushtetuese që Partia Demokratike ka depozituar në Kuvendin e Shqipërisë për vettingun e politikanëve, reformën zgjedhore dhe atë territoriale.
Në një intervistë për Report TV, avokati foli ashpër për politikanët që çdo dy vjet, sipas dëshirave të tyre, bëjnë ndryshime e në Kushtetutë. I indinjuar avokati tha se ndryshimet kushtetuese janë bërë të modës tashmë duke e kthyer Kushtetutën në leckë pa vlerë.
Për avokatin është e pakuptimtë që PD të kërkojë këto ndryshime kushtetuese pasi ajo duhet të kishte ndërhyrë në kohë kur u votuan ligjet dhe të mos i bojkotonte ato.
"Ndryshmet kushtetuese në Shqipëri janë bërë modë dhe nuk ka një legjislaturë që nuk është ndërhyrë që apo dy herë. E kemi bërë Kushtetutën e Shqipërisë si rregullore ndërmarrje dhe nuk ka ngelur asnjë nen siç është shkruan në 1998. Kushtetutat në botë janë ndërtuar shekuj më parë dhe kanë ndërhyrë 1 apo 2 herë, por ne e kemi bërë si një leckë pa vlerë dhe për çdo gjë do të ndërhyjnë në Kushtetutën e Shqipërisë. PD ka një gabim pasi kërkon të ndërhyjë në Kushtetutë për gjëra që mund të kishte ndërhyrë në kohën e caktuar dhe të mos bojkotonte kur po votoheshin. Ato ligje që bëhen duhet t'i rezistojnë kohës dhe jo të ndërhyjmë çdo dy vite pasi kjo nuk na bën serioz as si shtet dhe as si juristë por na bën qesharak", tha avokati Cakrani.
Sa për vettingun e politikanëve, avokati tha askush nuk i ka penguar organet ligjzbatuese që të hetojnë pasuritë e deputetëve dhe nëse kjo ndodh Basha është i pari që preket pasi ka pushuar dy çështje penale me procedurë. (Duke iu referuar çështjes së vjedhjes së Rrugës së Kombit dhe lobimi rus)
"Nuk e shikoj vettingun në politikë si një emergjencë, por e shikoj një gjë të pakuptimtë sepse SPAK dhe organet ligjzbatuese nuk i ka ndaluar askush për t'i hetuar për pasurinë. Nuk e besoj këtë çështje pasi ata e deklarojnë pasurinë e tyre në mënyrë periodike dhe kjo nuk i ndalon ata që kontrollojnë pasuritë dhe t'i çojnë në prokurori nëse shikojnë se kanë dyshime. Kjo është një tërheqje vëmendje dhe nga pikëpamja juridike më duket shumë qesharake. Nëse vettingu i politikanëve ndodh, është i pari Basha se ka dy procedime penale të pushuara jo se vepra penale nuk ka ekzistuar, por i ka pushuar me procedurë", përfundoi avokati.
4 ditë më parë Partia Demokratike ka depozituar në Kuvend, tre amendamentet që synojnë ndryshimet në kushtetutë që përfshijnë një reformë të re zgjedhore dhe territoriale, si edhe vettingun e politikanëve. Basha ka deklaruar se tre amendamentet janë të domosdoshme për të nxjerrë vendin nga kriza politike. Ndryshimet fokusohen në zhbërjen e ndryshimeve kushtetuese të 30 korrikut 2020, rikthimi i koalicioneve parazgjedhore dhe rikthimi i komunave në ndarjen territoriale me funksionin e saj.
Lajme të tjera
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
-
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11
