Zv.ministri i Brendshëm Julian Hodaj priti sot një delegacion nga MPB-ja e Maqedonisë, kryesuar nga zv.ministri Agim Nuhiu. Takimi ishte me kërkesë të palës maqedonase, për njohjen me detajet e ligjit për “Vlerësimin kalimtar dhe periodik të punonjësve të Policisë së Shtetit, Gardës dhe SHÇBA” ose i njohur ndryshe si Vetting-u.
Zv.ministri Julian Hodaj bëri një prezantim të gjithë hapave të ndërmarrë për nisjen e procesit të Vetting-ut dhe ecurinë aktuale. Ai theksoi se ky proces erdhi si domosdoshmëri për t’u bashkëngjitur gjyqtarëve dhe prokurorëve me integritet, punonjës policie me të njëjtat standarde. Ai nënvizoi se ky ligj në vetvete nuk ka qëllim të jetë një ‘fshesë’, por ka në fokus promovimin e pjesës së shëndoshë të Policisë së Shtetit.
Zv.ministri Nuhiu përgëzoi homologun shqiptar për hapat e ndërmarrë në këtë proces. Ai deklaroi se është arritur një kompromis në Ministrinë e Punëve të Brendshme të Maqedonisë dhe kërkohet që të nisë procesi i Vetting-ut. Z.Nuhiu u njoh me mekanizmat e ligjit dhe ndihmën e ekipit të ekspertëve që bënë të mundur hartimin e tij. Duke qëndruar te Vetting-u, zv.ministri Nuhiu deklaroi se fillimisht ky proces do të nisë në polici dhe më pas do të vijojë edhe në gjyqësor.
Zv.ministri Hodaj deklaroi se në procesin e Vetting-ut një rol të rëndësishëm kanë pasur asistencën ndërkombëtare nga misionet ICITAP dhe PAMECA. Ai i sugjeroi homologut maqedonas bashkëpunimin me partnerët ndërkombëtarë, si një garanci për reflektimin e standarteve ndërkombëtare të fushës dhe paanshmëri e besueshmëri të vetë procesit dhe rezultateve të tij. E pranishme në takim ishte edhe Drejtoresha e Shërbimit për Çështjet e Brendshme dhe Ankesat (SHÇBA) Anila Trimi, e cila e njohu palën maqedonase mbi punën e shërbimit.
Lajme të tjera
-
Aksident i rëndë në rrugën Lezhë-Laç, vdes pas përplasjes së dy mjeteve shoferi 65-vjeçar! Policia procedon drejtuesin tjetër (EMRI+VIDEO)
18 Dhjetor, 10:44 -
Aksident në Lezhë, plagoset rëndë drejtuesi i motoçikletës! E përplasi 73-vjeçari me zetor (VIDEO)
17 Dhjetor, 15:45 -
KPA largon përfundimisht nga Drejtësia prokuroren e Shkodrës! Edlira Cufit iu gjet lidhja me të dënuarin për prostitucion, i mbylli dosjen
17 Dhjetor, 10:31 -
Nga 1 Janari 2025 Altin Dumani merr edhe kompetencat e Komisionerit Publik, qeveria i kalon SPAK-ut edhe zyrat
15 Dhjetor, 20:15 -
Durrës/ Lojëra të paligjshme fati online, 2 të arrestuar dhe 4 nën hetim! U zbuluan duke vendosur baste në tre lokale
12 Dhjetor, 15:58 -
Tiranë/ Të kërkuar për drogë dhe korrupsion, arrestohen dy persona në pak orë! Një prej tyre i dënuar nga GJKKO
12 Dhjetor, 15:49 -
Lezhë/ I riu përplas me makinë 68-vjeçarin në rrugë, i moshuari dërgohet në spital! Policia shoqëron 19-vjeçarin
11 Dhjetor, 15:20 -
Tiranë/ Flakët shkrumbojnë lokalin prej druri, 5 zjarrfikëse për ta shuar! Nuk ka të lënduar, dëme të shumta materiale (VIDEO)
10 Dhjetor, 22:50 -
Aksident i trefishtë në Lushnjë-Fier, shkak shpejtësia dhe parakalimi i gabuar
8 Dhjetor, 13:37 -
Pogradec/ I gjenden arsenal armatimi dhe municionesh në banesë, arrestohet 65-vjeçari! Sekuestrohen kallash, kapsolla detonatore dhe fitil zjarrpërcjellës (EMRI+VIDEO))
4 Dhjetor, 19:26 -
Pogradec/ Makina e përplas duke ecur mbrapsht, plagoset biçiklisti, dërgohet në spital
4 Dhjetor, 16:03 -
Durrës/ Zhvatën qytetarin duke i premtuar shitjen e një apartamenti, arrestohen 2 persona për mashtrim!
4 Dhjetor, 14:19
