Sion fitoi sot 2-0 me Luzern për javën e 11 të Superligës zviceriane. Golin e parë të sfidës e shënoi Mario Balotelli. Sulmuesi italian lëshoi një "predhë" nga distanca në të 33 minutë, me sferën që u ndal në rrjetën e Muller. Mediet në Zvicër bëjnë me dije se shpejtësia e topit pas goditjes së Balotellit ishte 102 kilometër për orë, çka e bëri të pamundur për portierin.
Ky ishte goli i tretë i Balotellit në pesë ndeshje me Sion. Kujtojmë se në verën e këtij viti 32 vjeçari la Adana Demirspor në Turqi dhe kaloi te Sion. Skuadra nga Zvicra drejtohet nga ish-ndihmësi i De Biassit te Shqipëria, Paolo Tramezzani dhe Burim Kukeli. Pas javës së 11, Sion me 18 pikë mban vendin e tretë në klasifikim.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)