SHBA - Myrto Uzuni ka debutuar me fanellën e FC Austin në MLS. Sulmuesi beratas u fut në fushë në minutën e 62, por ekipi i tij u mposht 1-0 nga Portland me një gol në ekstremin e sfidës nga Pereira.

Kjo ishte ndeshja e dytë sezonale për FC Austin, që gjatë merkatos së dimrit arriti akordin dhe bleu për 12 milionë euro Uzunin nga Granada, duke e bërë beratasin si lojtarin më të shtrenjtë në historinë e klubit.

Në Portland, sulmuesi i Kombëtares nuk u preferua nga minuta e parë. Megjithatë hyrja e tij në fushë 28 minuta nga fundi i sfidës pa disa driblime të bukura, teksa ambientimi me ekipin dukej se ishte arritur për shqiptarin.

Tanimë sfida e radhës për FC Austin në MLS është më 9 mars në shtëpi, aty ku Uzuni do kërkojë një fanellë titullari kundër Colorado Rapids.
S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Prill, 08:55

    Produkte me pesticide, sa besim keni te siguria ushqimore në Shqipëri?

Lajme të tjera