Landover, Maryland (SHBA) - Në 'Northwest Stadium' të Marylandit, Franca ia doli të fitonte 3-1 të dielën miqësoren kundër Kolumbisë. Katër ditë pasi mposhtën 2-1 Brazilin, po në SHBA, djemtë e Didier Deschamps treguan se janë ndër pretendentët kryesorë për të marrë trofeun e Kupës së Botës 2026.

Deçiziv për 'Gjelat' ishte 20-vjeçari i PSG-së, Desire Doue, i cili shënoi dy golat e parë me ekipin e Francës. Djaloshi zhbllokoi sfidën pas 29 minutave lojë me një goditje nga kufijtë e zonës, i ndihmuar nga një devijim i amerikano-latinëve.

Në fundin e pjesës së parë, konkretisht në të 41-tën minutë, Marcus Thuram dyfishoi shifrat për Francën me kokë, pas një krosimi nga Akliouche. Minuta e 56-të solli edhe golin e tretë për Francën. Thuram pasoi bukur për Doue, me këtë të fundit që e ndali sferën pas krahëve të Monteros. Goli i nderit për Kolumbinë u shënua nga Jaminton Campaz në minutën e 77-të.

Kështu, Franca merr fitoren e dytë në pak ditë kundër dy rivalëve që mund t'i gjejë edhe në Kupën e Botës 2026, që këtë vit zhvillohet nga 11 qershori deri më 19 korrik në SHBA, Meksikë dhe Kanada.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Mars, 08:12

    Rritja e çmimit të ushqimeve, a duhet të marrë masa qeveria për të mbrojtur konsumatorët?

Lajme të tjera