MIAMI, SHBA - Kupa e Ligës e cila zhvillohet me klubeve të Amerikës së Veriut dhe asaj Qendrore nisi garën mëngjesin e sotëm me kohën në Shqipëri. Në 'Nu Stadium' të Miamit, Inter Miami fitoi 4-2 me përmbysje kundër meksikanëve të Atletico San Luis duke marrë tri pikët e para falë shkëlqimit të Lionel Messit.

Vendasit u befasuan pasi San Luis kaloi në epërsi pas vetëm katër minutave lojë me David Rodriguez. Reagimi i Inter Miamit ishte i menjëhershëm dhe barazimi 1-1 u vendos në minutën e 11-të. Allen hodhi një top në zonë dhe Messi 'fluturimthi' me një penallti në lëvizje ia la topin pas krahëve portierit Sanchez.

Në minutën e 25-të vendasve iu anulua një gol për pozicion jashtë loje, por vetëm disa sekonda më vonë Segovia kaloi Inter Miamin në epërsinë 2-1. Fundi i pjesës së parë ishte fatal për Atleticon, kjo pasi Inter Miami shënoi dy gola.

Në minutën e 44-t, Allen asistoi sërish për Messin dhe 'Pleshti' shënoi golin e dytë personal për rezultatin 3-1. Në shtesën e shtatë Micael shënoi edhe golin e katërt për Inter Miamin, kjo me asist të Lionel Messit. Në fraksionin e dytë miqtë shkurtuan me Llorenten për 4-2, por tri pikët shkuan për Inter Miamin.

S.Dh/Shqiptarja.com

Komente

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës: 5 Gusht, 13:27

    GJKKO kërkon të kufizojë aksesin e mediave dhe të drejtave të gazetarëve gjatë seancave, a jeni dakord?

Lajme të tjera