TURQI - Trabzonspori është një nga ekipet gjysmëfinaliste të Kupës së Turqisë. Ekipi ku luan edhe sulmuesi i Kombëtares, Ernest Muçi, fitoi pas penalltive në udhëtim kundër Samsunspor duke marrë një biletë për në fazën e radhës.

Ernest Muçi vinte nga një dëmtim i rëndë që e mbajti gjatë jashtë fushe, teksa me t'u hedhur në fushë u tregua vendimtar me penalltinë e fundit të shënuar për të tijtë.

Ishte minuta e 72-të e takimit, kur trajneri Fatih Tekke u bind që të hidhte në fushë fantazistin kuqezi. Ndeshja përfundoi 0-0 dhe skuadrat iu drejtuan 30 minutave shtesë, në të cilat nuk u prodhuan gola.

Nga pika e bardhë e 11 metërshave ishte Trabzonspori që fitoi 1-3, teksa penalltinë e fundi për miqtë dhe atë që solli triumfin e realizoi Muçi. Veç tij edhe portieri Onana bëri mirë te Trabzonspori.

Pas ndeshjes, Muçi tregoi se dëmtimi e kishte lënë disa ditë pa ecur.

"Kisha një dëmtim, për një apo dy javë nuk mundesha as të ecja ndaj ishte një periudhë e vështirë. Por tani po bëhet çdo gjë më mirë në stërvitje dhe ndjehesha mirë. Ndaj shpresoj që në ndeshjen e radhës të luaj më shumë minuta dhe të vazhdoj të ndihmoj ekipin”, u shpreh Muçi pas ndeshjes.

Në gjysmëfinale kaloi edhe Besiktasi, duke mposhtur 3-0 Alanyaspor në Stamboll. Goli i tretë u realizua me asistin e Milot Rashicës.

Gjysmëfinalet e Kupës së Turqisë:

Genclerbirligi - Trabzonspor

Besiktas - Konyaspor

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Prill, 09:22

    A besoni se do të zgjidhen çështjet e mbartura Shqipëri-Greqi?

Lajme të tjera