VLORË - "Giro d'Italia" do vijojë këtë të diel (11 maj) me Etapën e Tretë dhe atë finale në tokën shqiptare, e gjatë 160 kilometra. Gara e sotme spostohet në Vlorë, në një terren dhe reliev që pritet të sjellë rivalitet mes çiklistëve. Etapa e Tretë pritet të fillojë në kilometrin 0 rreth orës 13:15 dhe 160 kilometrat pritet të përfundojnë rreth orës 17:26 po në Vlorë. Sot pritet rivalitet, me "Giron" që kalon në fshatrat e bregdetit të jugut dhe kulmon me ngjitjen e "Qafës së Llogarasë", ndërsa e gjithë pamja mbetet për t'u shijuar.

Itinerari - Xhiro do të nisë rreth orës 13:15, nga Lungomare, ku do të bëhet nxehja dhe pedalimi i ekipeve deri sa të arrijnë në KM 0, në rrugën “Demokracia”, nga ku do të startojë gara. Sportistët do të vijojnë itinerarin drejt Kotës, në Brataj, drejt Qeparoit, më pas nga Porto Palermo në Himarë, e më pas do të kthehen nga Qafa e Llogarasë, drejt Orikumit, e nëpërmjet Rrugës “Murat Tërbaçi” do të kthehen në Vlorë. Përfundimi i garës parashikohet të jetë rreth orës 17:26 në Rrugën “Sadik Zotaj”.

Terreni - Një skenë e gjallë me një fillim dhe fund shumë të ngushtë. Rruga është në thelb një unazë mali rreth 'Majës së Qores' (mbi 2000 m e lartë në buzë të detit). Më pas "karvani rozë" udhëton në juglindje përgjatë luginës së Lumit Shushicë në rrugë të gjera e të rrjedhshme.

Në det arrihet nëpërmjet Qafës së Shakellës, ku fillon një segment prej mbi 40 km rrugë bregdetare me kthesa dhe ngjitje e zbritje të shumta deri në ngjitjen e Qafës së Llogarasë prej rreth 11 km me pjerrësi mbi 7%. Pason një zbritje e shpejtë për në Vlorë. 3 km e fundit janë bregdetare, praktikisht të sheshta me ndryshime të shkurtra drejtimi për të lidhur disa rrugë të drejta. Pistë e fundit prej 1200 m në asfalt me ​​gjerësi 8 m.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 2 Shkurt, 13:24

    A e mbështesni kërkesën e gjyqtarëve për rritje page?

Lajme të tjera