POP 5

Lajmet më të lexuara të 5 minutave të fundit

Kronikë

VIDEO/Gjobitet për parakalim të 
gabuar, shoferi: S'më hapin rrugën

Vijon puna e Policisë Rrugore në gjithë vendin për rritjen e parametrave të sigurisë rrugore dhe për aplikimin e masave ndëshkuese të reja për shkelësit e nenit 170 të Kodit Rrugor, dhe jo vetëm për këtë nen, por për të gjitha shkeljet.  VIDEO
Vijon puna e Policisë Rrugore në gjithë vendin për rritjen e parametrave të sigurisë rrugore dhe për aplikimin e masave ndëshkuese të reja për shkelësit e nenit 170 të Kodit Rrugor, dhe jo vetëm për këtë nen, por për të gjitha shkeljet.

Në një video të shpërndarë nga Policia e Shtetit, duket momenti kur një drejtues automjeti parakalon në mënyrë të gabuar. Teksa gjobitet për shkeljen e rregullave të qarkullimit rrugor, i riu e justifikon parakalimin në krah të djathtë, duke i thënë punonjësit të policisë se ishte vonë për në punë dhe automjetet e tjera nuk po i hapnin rrugën.  

Gjatë 72 orëve të fundit janë ndëshkuar 685 qytetarë, për mosvendosje të rripit të sigurimit. Gjithashtu po gjatë fundjavës janë vendosur gjithsej për shkelje të ndryshme 4.998 masa administrative.
 
Janë arrestuar 20 drejtues mjeti nga të cilët: 7 në gjendje të dehur, 13 të pa pajisur me Leje drejtimi. Janë pezulluar gjithsej 122 Leje Drejtimi, nga këto 18 për alkool, 76 për shpejtësi dhe 28 për semafor e shkelje të ndryshme.
 
Janë vendosur 108 masa për mos vendosje të kaskës mbrojtëse, 144 masa për përdorim të celularit gjatë drejtimit të automjetit, si dhe 848 masa administrative për shpejtësi.
 
Pjesa tjetër për shkelje të ndryshme të Kodit Rrugor. Edhe në ditët në vijim do vijojë zbatimi i rreptë i Kodit Rrugor, jo vetëm për nenin 170, por për të gjitha shkeljet e Kodit Rrugor me qëllimin e vetëm rritjen e parametrave të sigurisë rrugore. 

Redaksia Online
l.q/Shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Komandohet drejtuesja, për herë të parë PD e Shkodrës do drejtohet nga një grua

Komandohet drejtuesja, për herë të parë PD e Shkodrës do drejtohet nga një grua

15 Janar, 19:55