Bernard Berisha ka shënuar golin e tretë me Akhmat Grozny në Superligën e Rusisë. 30 vjeçari nga Peja nuk ka gabuar nga 11 metra, teksa kapiteni është treguar i saktë edhe këtë herë nga penalltia (minuta 18), duke mposhtur gardianin Safonov. Grozny po fiton 0-1 me Krasnodar në transfertë, për javën e 13 në elitën ruse.
Paçka dënimit nga UEFA për mospjesëmarrjen në garat europiane, kampionati rus vijon. Për të gjashtin sezon Berisha është pjesë e Grozny duke qenë edhe kapiten. Kontratë deri në 2025 ka pejani me klubin rus, duke u bërë ndër lojtarët më të rëndësishëm. Berisha është i njohur për Superligën shqiptare, teksa ka qenë pjesë e Besës së Kavajës dhe Skënderbeut për katër sezone.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)